في يوم قلت اجرب اشوف قربان الحمل بتاع القداس بيتعمل اذاي ومنه عرفت اكون اذاي ابقي ذبيحه
1) لازم مايه علي الدقيق والخميره علشان تعرف تتعجن..اه تتعجن لازم تبقي سهل العجن وان الله يفضل يعجن فيك والمايه دي هو يسوع ينبوع الماء الحي فماتقلقش الله وهو بيعجن فيك وهو اصلا معاك جوه العجن
2)يسيبك تنفش شويه ويحسسك انك بقيت كبير اوي وعجينتك تكبر فانت تقول كده تمام وفجاءه تلاقي ايده قعدت تعجن فيك تاني اكتر من الاول وتبداء تصغر من تاني
3)يبداء يفردك ويدب فيك ويدب بأيده فيك ويلفك جامد لحد ماتبقي عجينه مستقيمه في شكلها
4)بعد كده مايسبكش يجيب الختم ويدوس عليك علشان يبان فيك الختم بتاعه يدوس بقي بتجارب بضيقات بحروب ومش بس كده ده يجيب حاجه ويفضل يخرم فيك اكنها جروح
5)وبعد مايطمن ان كله تمام يدخلك الفرن لحد ماتستوي وتنفع تكون ذبيحه تتقدم وتتقسم علي الكل والكل يشبع منك
علشان اعرف اقدم نفسي ذبيحه لازم اقبل وجع التشكيل
