|
 |
 |
 |
|
رقم المشاركة : ( 1 )
17 - 07 - 2017, 12:21 AM
|
|||||||||||
|
|||||||||||
 فيوم اجازه.. جوزى عدى عليا فالمطبخ وانا بغسل المواعين وحب يشجعنى فقال بصوت عالى :تعمل بيدين راضيتين للى ميعرفش..دى ايه بتحكى صفه من صفات المرأه الفاضله المذكوره فامثال 31 الكلمه رنت فودانى وقعدت اقول : لو يعرف بس انا بفكر فايه وانا بغسل المواعين دلوقتى مكنش قال كده ابدا ! كنت عماله اهرى فنفسى بكلام زى: كله ياخد اجازه من شغله الا الام! مكتوب عليا اشتغل مسح وتنضيف كل يوم ومفيش جديد! كل يوم بعمل اللى بعمله ده واخر اليوم كأنى معملتش حاجه..اللى اتمسح اتوسخ اللى اتطبخ اتاكل..اللى حميتهم وسخوا روحهم بعدها بنص ساعه وكانى مبعملش اى حاجه!! بس الايه"تعمل بيدين راضيتين" معدتش من يومها عليا مرور الكرام..لكن الرب قصد بيها ينور ذهنى ويكشفلى امر جديد حابه اشارككم بيه: يا ترى هيكون ايه احساسى لو عيالى كبروا ووصلالهم رساله انى طول ما انا كنت بربيهم كنت حاسه بانى ام مقهوره بسبب الامومه وتعبها!! يفرق معايا ان الولاد يكبروا وهما حاسين انهم محبوبين بلا شروط بلا حدود فى كل الاوقات وانهم مش load حتى وان كانت الامومه مرهقه جدا نفسيا قبل جسمانيا الرضا..هو الجوهر بمجرد ما غيرت توجه تفكيرى بقيت مبسوطه وانا بأدى مهامى الشاقه كأم انا راضيه انى اغير البامبرز بعد ما كنت لسه حالا مغيراه! راضيه اصحى بالليل اعمل اللبن واغير راضيه اسمع رط راضيه اتعامل مع طلبات بلا حدود راضيه افك اشتباكات راضيه لانى استلمت المهمه من الله.. راضيه لان اللى بتعب عشانهم يستاهلوا احسن ما عندى انا هكون راضيه بجد لانى بحب بجد! ابدأى يومك بالتوجه ده ومتسمحيش للافكار السلبيه والهرى يتسربوا لدماغك.. كلمى نفسك دايما بالحق انشالله تعملى كده بصوت عالى ولما نتعب..لازم نفكر نفسنا ان الذنب مش ذنبهم! خلونا نفصل مابين تعب المهمه..وغلاوه اللى بنقدملهم الخدمه نميز ان المشقه ناتجه بسبب انهم لسه بيكبروا ومش عارفين وعشان كده منحملهمش غضب وعصبيه مننا هما مش قدها ولا يستاهلوها مننا هريح لما اتعب بالطريقه اللى بتفرفشنى..احكى مع امهات تقدر مشاعرى..اقرا..اشرب شاى حتى..ارنم بصوت عالى..ارسم..هاصلى الرب يشحنى بالطاقه لما اهنج وخلونا مننساش ان الرب شايف ومقدر تعبنا وهو اللى بيرتب لينا منافذ راحه اثناء طريق الامومه الصعب 
|
|
17 - 07 - 2017, 11:49 AM
|
رقم المشاركة : ( 3 ) | ||||
|
† Admin Woman †
|
رد: هو بيرتب لينا منافذ راحة
وخلونا مننساش ان الرب شايف ومقدر تعبنا وهو اللى بيرتب لينا منافذ راحه اثناء طريق الامومه الصعب
ربنا يبارك حياتك |
||||
|
|
|
17 - 07 - 2017, 09:57 PM
|
رقم المشاركة : ( 4 ) | ||||
|
..::| الإدارة العامة |::..
|
رد: هو بيرتب لينا منافذ راحة
ميرسى على مروركم الغالى  |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| طرق توفير تجربة سفر اكثر راحة |
| (مز 68: 20) الذي يملك منافذ الموت |
| دى تجربة الخبز وبأسميها تجربة البطن وهى فى الحقيقة تجربة صعبة |
| للجسد حواس هي منافذ للخطيئة |
| منافذ الصحراء |
العرض العادي
