|
 |
 |
 |
|
رقم المشاركة : ( 1 )
06 - 07 - 2017, 11:02 AM
|
|||||||||||
|
|||||||||||
|
لكل ولد وبنت في سن العشرينات واتمني تفهموا كويس..! لما يكون مش معاك فلوس شقه والا قادر توضب دنيتك او تجيب عفش ومع العلم انك شغال كويس ومرتبك في ظل الوضع الحالي وظروف البلد اللي احنا فيها مش قادر تجيب شقه تمليك في الوقت المناسب..اوعي تزعل من فضلك. كل واحد يبص للافراح اللي حضرها الفترات اللي فاتت او هيحضرها..معظم العرسان او ٧٠ ٪ منهم مدفعوش جنيه واحد في الشقه او توضبها كل ده بفضل اهله او يكون بيت عيله وليه شقه او او او..كل ده الاهل عملوه لابنهم..انت متزعلش انك من اسره بسيطه او معندهمش مقدره يساعدوك.. او انك مش قادر تجيب شقه تمليك العيب مش فيك يا حبيبي صدقني ..وانت مش معيوب والا فاشل.. لانك لو في بلد تانيه كنت عملت ده بسهوله حتي لو هتغسل اطباق وتمسح حمامات.. يعني انت متخيل ان شاب عنده ٢٥ سنه بيتجوز وعنده شقه ب ٢٥٠ الف جنيه..ومجهزها علي الاقل ب ٥٠ الف جنيه..ليه بيشتغل ايه !؟ ده الواحد بيتخرج من الكليه في رنج ٢٢..٢٣..٢٤ سنه تقريبا. يعني ٣٠٠ الف جنيه في ٣٦ شهر ب ١٥ الف جنيه مرتب في الشهر تقريبا.. ازاي يعني!؟..ده لو اعتبرنا ان الشقه وتجهيزها ب ٣٠٠ الف ده غير مصاريف الفرح وحاجات كتير متلتله.. مين العريس اللي مرتبه ١٠ الف جنيه وهو عنده ٢٥..٢٦ سنه وحوش كل مرتبه في سنتين ومصرفش حاجه واتجوز !؟؟؟.. مين الشاب الجامد ده  😊نصيحه لكل بنت بجد اوعي تقارني واحد اهله بيجوزوه من الالف للياء بواحد بينحت في الصخر علشان يعمل حاجه كويسه ويتجوز زيه زي اي شاب في العالم.. حتي لو الشاب ده اهله هيسعدوه في الشقه اكيد هوا هيتفرم علشان يكمل الباقي.. صحيح مش كل حاجه بتيجي بسرعه او في وقت قريب بس لو بيحبك هتلاقيه بيعمل المستحيل وينحت في الصخر علشان يتجوزك واكيد ربنا هيكمل معاه.. مش عيب انك تتجوزي واحد اهله عملوله كل حاجه من الالف للياء..والا انك ترفضي واحد كل ذنبه انه طلع مش ابن ناس اغنياء.. لا الاول مميز والا التاني معيوب..نفوق ونفهم شويه بقي.. وكل شاب يشتغل ويعمل اللي عليه ومتيأس يابني والاا تزعل نفسك انت راجل في بلد شيلتنا الحمل والهم فوق كتافنا وبنعافر فيها علشان نعيش..ربنا بيقدر تعب وعرق كل واحد بيتعب علشان يوصل لحاجه هوا عايزها.. واخيرا كل بنت مش لازم تبص للولد لغناه وتقبله وترفض البسيط لبساطته الحياه معافره وخليكي واقفه جنبه وشجعيه وربنا هيكرمكوا سوا 😊..البوست ده علي فكره عن تجربه شخصيه بعشها وزي زي اي شاب نفسه يعمل حاجه للبنت اللي بيحبها ويتعب علشان يعمل حاجه كويسه في حياته..  
|
|
06 - 07 - 2017, 11:05 AM
|
رقم المشاركة : ( 2 ) | ||||
|
† Admin Woman †
|
رد: لكل ولد وبنت في سن العشرينات
صح يا قمر ربنا يباركك حببتي |
||||
|
|
|
06 - 07 - 2017, 04:00 PM
|
رقم المشاركة : ( 3 ) | ||||
|
..::| الإدارة العامة |::..
|
رد: لكل ولد وبنت في سن العشرينات
كلام مظبوط ربنا يفرح قلبك |
||||
|
|
 |
| أدوات الموضوع | |
| انواع عرض الموضوع | |
|
العرض العادي
