السلام النفسي بيخليك تشوف حاجات كتير ماشوفتهاش

[sama smsma]

السلام النفسي بيخليك تشوف حاجات كتير ماشوفتهاش ،
قد ايه قصرت مع ناس بتحبك ، وقصرت مع نفسك ،
بيخليك تشوف الناس اللي تاجرت بيك واستحلت روحك
وفرشت بيها ع الملأ ف مكان يناسبهم ،
( لي ماكان لي ، أمسي وماسيكون لي ) ،
هيخليك تعرف تبطل اخبار ماتخصكش ،
تتجاهل اي حاجه ليها علاقه باللي مشيوا وتكمل سعي ف حياتك ،
السلام النفسي هو اللي بيعرفك ان لكل اجل كتاب ،
وان فيه فرق بين التسامح واهدار الكرامه ،
وان احيانا ولعك بشخص وغيرتك انه يكون مع غيرك
بيكون اكبر من رغبتك ف بقاؤه ،
أنانيه يمكن أو حب طفولي ،
وده اللي بيفسر سوء العلاقه ف القرب وتحسنها بالبعد ،
الولع بالنوستالجيا وشياكة الحنين بيخلونا ننجرف
لاشياء انتهت فعلياً ،
بلاش تدور ازاي تنسى او تتغير او تركز ف حياتك ،
لكن ركز ف طريقه توصل بيها للسلام النفسي ،
ده الطريق الاقصر بس الاصعب ،
توصله بعزله او باختلاط او بتجارب او بحزن او بفرح مش مهم ،
المهم انك اول ماتوصله ،
هتحس انك اتولدت من جديد 😇

[walaa farouk]

بلاش تدور ازاي تنسى او تتغير او تركز ف حياتك ،
لكن ركز ف طريقه توصل بيها للسلام النفسي ،

مشاركة جميلة يا سمسمة

[shery jesus]

اميييين..يارب ادينا السلام النفسى يارب ...جميل اوى سمسمة

[Mary Naeem]

المهم انك اول ماتوصله ،
هتحس انك اتولدت من جديد ��

آمين يا رب