الطفل ممكن يغرق في شبر ميه !!

[Rena Jesus]

بمناسبة الصيف و المصايف ..

ابنك في حمام السباحة .. يبقى تخليك جنبه دايما وعينك عليه متترفعش عنه لحظة ..

- يا دكتور بلاش قلق بزيادة !! و بعدين متخافش .. ده المية يدوب واصله لنصه وهو ليه طول و الحمام ده بتاع اطفال و مش عميق اساسا !!

اه .. حضرتك بقى محتاج تعرف حاجة اسمها الغرق الجاف Dry drowning .. سمعت عنه قبل كده ؟!!

- ايه ده يا دكتور ؟؟ غرق و جاف ؟! ده زي المية المبلولة كده ولا ايه ؟! ازاي يعني ؟! حضرتك بتهزر مش كده ؟!!

لا مش بهزر والله .. انا افهمك ..

مش شرط عشان الانسان يغرق .. ان نفسه يتكتم تحت المية و المية تدخل الرئة و تملاها ((ده مفهوم الغرق اللي كلنا عارفينه)) .. امال ايه اللي بيحصل ؟!

في احوال كتير .. خصوصا في الاطفال .. بيكون كفاية قوي ان قطرات من المياة تدخل القصبة الهوائية .. ساعتها بيحصل انقباض شديد و مفاجيء في الاحبال الصوتية و الحنجرة (laryngeal spasm) كرد فعل لكده .. و ده بيمنع مرور الهواء للرئة و بيسبب اختناق و زرقان .. من غير حتى ما تكون نقطة ميه واحدة وصلت للرئة

الموضوع ده بيحصل كمان بالأخص مع الاطفال و لما تكون المية ساقعة ..

عارف موضوع الغرق الجاف ده بيمثل قد ايه من حالات الغرق ؟! بيمثل من ١٠ ل ٢٠٪‏ !!! يعني خمس الناس اللي بتغرق .. بتغرق للسبب ده !!

خاللو بالكم من ولادكم .. و عينيكم متنزلش من عليهم طول ما هما في المياه ايا كانت الظروف .. بحر او حمام سباحة .. بتاع اطفال ولا كبار .. عميقة المياة كانت ولا لا .. الطفل ممكن حرفيا يغرق في شبر ميه !!

[مورا مرمر]

ربنا يبارك خدمتك

[walaa farouk]

ربنا يبارك خدمتك الجميلة

[Mary Naeem]

خاللو بالكم من ولادكم \\
ربنا يباركك

[Rena Jesus]

ميرسى لمروركم الغالى