بقعة

[walaa farouk]

لو في بقعة في هدومك هل هينفع تمشي حاطط ايدك عليها طول الوقت علشان محدش يشوفها؟

لو واحد هدومه نظيفة أوي بتلمع بس في بقعة واحدة بس موجودة في وسط الهدوم أكيد هتبان، مهما حاول يوضح نظافة بقيت الهدوم، أو لو حاول يحط ايده على الحتة المبقعة وقت أكيد هيحرك إيده وهتبان، ساعتها نظافة ولمعان بقية هدومه مش هتخفي البقعة دي أبدا، لازم يعالج البقعة دي، يغسلها وينظفها، أو هيكون عارف إنها هتبان هتبان.

كتير أوي بنحاول نخفي عيوب وأخطاء فينا بأننا نعمل حاجات تاني كويسة نخبي بيها عيوبنا أو أخطائنا، بس في الحقيقة أحنا بنضحك على نفسنا لأن العيوب أو الأخطاء بيفضلوا باينين مهما حاولنا نداريهم بحاجات شكلها حلو، بيكونوا عاملين زي البقعة اللي بيحاول يداري بقعة بإيده لكن الحقيقة أن الحاجات الحلوة والنظيفة مش هتداري العيوب، ولا هتخلي الناس تبطل تبص على البقعة

الغلط لازم يتعالج من جذوره

لازم تعالج الغلط من جذوره، طبيعي يبقى فيك عيوب أو أخطاء، لكن الغلط أنك تعمل نفسك مش واخد بالك وتحاول تشغل نفسك بحاجات تاني،أو تلفت نظر اللي حواليك بحاجات تاني أنت بتعملها، حلو أنك تكون بتعمل حاجات كويسة، بس أوعى تنسى تشتغل وتغير البقع لو كانت البقعة دي خطية أطلب من ربنا يطهرك ويغسلك فتبيض أكثر من الثلج، لو عيوب شخصية زي عصبية أو شخصية حساسة مثلًا عافر وأشتغل على نفسك وحاول مرة واثنين وعشرة أنك تتغير وأطلب من ربنا يساعدك تتغير وأطلب مساعدة حد بتثق فيه صدقني مفيش مستحيل مع شوية مجهود وصبر هتتغير، بس كمان مهم أوي إنك تعرف أن حتى لو الناس ممكن ميخدوش بالهم غير من العيوب بس لكن الله دايما بيشوفك مميز حتى بالعيوب اللي فيك، لكن طبعًا الله عايزنا كلنا نرجع للصورة أصل اللي إتخلقنا عليها اللي بدون عيوب “وَنَحْنُ جَمِيعاً نَاظِرِينَ مَجْدَ الرَّبِّ بِوَجْهٍ مَكْشُوفٍ، كَمَا فِي مِرْآةٍ، نَتَغَيَّرُ إِلَى تِلْكَ الصُّورَةِ عَيْنِهَا، مِنْ مَجْدٍ إِلَى مَجْدٍ، كَمَا مِنَ الرَّبِّ الرُّوحِ.”(3كورنثوس3: 18) فعلشان نوصل للصورة دي “صورة الله لازم تتغير عيوبنا والبقع اللي فينا وده زي ما قلنا هيحصل بمساعدة ربنا ورغبتنا في التغيير.

[Mary Naeem]

صورة الله لازم تتغير عيوبنا والبقع اللي فينا وده زي ما قلنا هيحصل بمساعدة ربنا ورغبتنا في التغيير.\

ربنا يباركك

[walaa farouk]

ميرسى على مرورك الغالى