يسوع جاي .....

[Rena Jesus]

وماتفهمش ليه بيقصد يستني للهزيع الرابع؟
وليه من البداية سابهم يدخلوا في الدوشة دي،
مع أنه عارف أن العاصفة جاية ومابترحمش؟
وماتفهمش برضو هما ليه بيفضلوا "مُعذبين من الأمواج" وهو عارف وساكت؟
وهو يعني كان لازم يختلي بنفسه علي الجبل ساعتها؟
وهو مكنش قادر يجيلهم في بداية العاصفة ينقذهم؟
مكنش يعرف يخلص الموضوع في ساعتها يعني؟

ليه_يختفي؟
ليه وهو عارف أن الأمواج مابترحمش.. ؟
واشمعنا الهزيع الرابع؟
فعلاً معرفش..
بس اللي أعرفه..أنه كدة كدة جاي.
حتي لو أستني شوية..جاي.
في الهزيع الرابع.. في الفجر.. في أول الليل.. معرفش..
بس هو جاي..وجاي ماشي علي الميه..

واللي أعرفه برضو أنه.. لو_مكانتش_جات_العاصفة_مكانش_بطرس_قدر_يمشي_علي_المي ه..
ولو كان جه قبل الهزيع الرابع،
مكانوش هايحسوا بصعوبة العاصفة،
ولا هايقدروا قيمة المجد اللي شافوه بعديه..
ولو مكنوش "ظنوه_خيال" من كتر الرُعب..
مكانوش هايعرفوا أنه "بالحقيقة_أبن_الله" من كتر الأنبهار بعدها..

وكأنها تكلفة كدة..
عشان_تشوف_عمق_المجد_لازم_تعدي_في_عمق_الألم_قبلها
عشان تشوف القيامة.. لازم تعدي علي الصليب..
وعشان تمشي علي الميه، لازم قبلها تيجي العاصفة..

ويابخت اللي في قلب_العاصفة..
حتي لو مستني للهزيع_الرابع..
لأن يسوع_جاي..وجاي_ماشي_علي_الميه!
يسوع_جاي

[walaa farouk]

ويابخت اللي في قلب_العاصفة..
حتي لو مستني للهزيع_الرابع..
لأن يسوع_جاي..وجاي_ماشي_علي_الميه!
يسوع_جاي

موضوع جميل يا رينا

ربنا يفرح قلبك

[Mary Naeem]

ويابخت اللي في قلب_العاصفة..
حتي لو مستني للهزيع_الرابع..
لأن يسوع_جاي..وجاي_ماشي_علي_الميه!
يسوع_جاي

ربنا يباركك حببتي

[Rena Jesus]

ميرسى لمروركم الغالى