|
 |
 |
 |
|
رقم المشاركة : ( 1 )
15 - 06 - 2017, 11:24 AM
|
|||||||||||
|
|||||||||||
|
ماترجعوش_تزعلوا !! ..  - لما عيالكم يقفلوا علي نفسهم الاوضه بالساعات وميحبوش القعده معاكم بسبب الانتقاد والكلام اللي زي السم اللي بتوجهوه ليهم .. - لما يكبروا و يكرهوا كلمة " إن شاء الله " .. لأن كُل وعد توعدوه تقولوا إن شاء الله و مايحصلش ! - لما شخصياتهم تبقي ضعيفه وما يبقاش عندهم ثقه في نفسهم لانكم ما بتديهومش فرصه يعبروا عن اللي جواهم ودايمًا تستغبوهم . - لما يكرهوا الصلاه و المذاكره ! لأن من أقل غلطه يغلطوها تسألوهم صليت إيه النهارده ؟! ذاكرت ولا لاء ؟ كأن الصلاه والمذاكره عقاب . - لما اولادكم يدوروا علي الحنان بره البيت لانهم مالقهوش في حضنكم . - لما يكرهوا الجواز بسبب المشاكل اللي مبتخلصش وبتولع علي اتفه الاسباب . - لما يكرهوا النقاش معاكم لانكم بتقللوا من اراءهم سواء في السياسه او الحياه عامةً . - لما كل يوم قبل نومهم يعاتبوكم وهما في اوضهم في سرهم و قد إيه في فجوه بينكم بسبب قلة التفاهُم والاحتواء . - لما يفشلوا في الكليه اللي اخترتوهالهم بسبب تدخلكم في مستقبلهم و منعهم عن حلمهم المؤمنين بيهم !! - لما يكرهوا السفر معاكم في مصيف مثلاً .. لأنكم بتتعصبو عليهم وممكن تقلبوا الفُسحه غَم ! - لما يحبوا اكل المطاعم لأنكم بترفضوا تعملوا طرق جديده في نفس الاصناف الموجوده من اكل البيت ! - لما عيالكم يكرهوا بعض لأنكم بتفرقوا في المعامله بينهم و تميزوا حد عن التاني .. وتتحاسبوا يوم القيامه بجريمة الظُلم . !! - متزعلوش لما تلاقوا ابنكم أو بنتكم كاتبين علي الفيس " كل لما أتمناه حُضن يحتويني " لأنكم مجربتوش تحضنوهم حتي ولو بكلمه حلوه . - لما يطلعوا مكلكعين من جوا وتفيكريهم محدود بسبب كلمة " انا وانا قدك كنت بجيب لبس كذا .. بصرف كذا .. " - متزعلوش قوي لما بنتك تبقي تعيسه ف حياتها الزوجيه بسبب عريس فرضتوه عليها مع ان حقها تتجوز اللي يعجبها حتي ولو بعد ١٠٠ سنه . - واما ابنكم يكسر قلب بنت كل ذنبها انها حبته متتصمدوش انتوا اللي قولتوا الراجل مايعيبهوش الا جيبه ! - مترجعوش تزعلوا بعد عمر طويل لما تلاقوا عيالكم ميحنوش للقائكم لأنكم زي الطوق علي رقابيهم و بفراقكم اتنفسوا .. بقوا أحرار ! 
|
|
15 - 06 - 2017, 06:53 PM
|
رقم المشاركة : ( 2 ) | ||||
|
..::| الإدارة العامة |::..
|
رد: ماترجعوش_تزعلوا !! ..
مترجعوش تزعلوا بعد عمر طويل لما تلاقوا عيالكم ميحنوش للقائكم لأنكم زي الطوق علي رقابيهم و بفراقكم اتنفسوا .. بقوا أحرار موضوع جميل اوووى يا مرمر ربنا يفرح قلبك |
||||
|
|
|
16 - 06 - 2017, 12:59 PM
|
رقم المشاركة : ( 4 ) | ||||
|
† Admin Woman †
|
رد: ماترجعوش_تزعلوا !! ..
شكرا على المرور |
||||
|
|
العرض العادي
