|
 |
 |
 |
|
رقم المشاركة : ( 1 )
08 - 06 - 2017, 09:16 AM
|
|||||||||||
|
|||||||||||
 لو مش عارف مراتك بتعمل ايه طول اليوم و عندك اطفال كفاية اني اقولك انها بتستحمل الزن هقولك يعني ايه زن الاطفال لانك كراجل مش بتتعامل معاه الا ساعتين في اليوم تقريبا، و غير كده في شغلك يا نايم يا مش عايز حد يزعجك فا خارج مع صحابك.. الزن: هي ترددات صوتية بموجات صوتية مختلفة من اول الهمس البسيط المتكرر بماما ماما ماما ماما اللي بتحس فيه ان لابسك عفريت و عمال يزن في ودنك لحد ما بنوصل للصريخ الحيّاني علي اتفه الاسباب.. اسباب الزن بقي: -بيزن عشان مش بيعرف يطير - بيزن عشان سبايدر مان مش بييجي يلعب معاه بلعبه - بيزن عشان افتكر انك مجبتيلوش كاندي من ٨ شهور فا الذكري نقحت عليه دلوقتي - بيزن عشان اخوه لمس كوبايته بالغلط - بيلعب فا بيسلي نفسه بالزن - زهق من اللعب فا بيزود زهقه بالزن - عايزك تلعبي معاه فا بيزن - مش عاجبه لعبك عشان مش بتمشي ع الحيط فا بيزن - عايز ياكل - مش عايز ياكل - حران فا بيزن عشان تحميه مثلا - بردان ف بيزن عشان تلبسيه بيجاما بتاعه باباه - عايز اخته تلعب معاه - مش طايق اخته تلعب معاه - عايز يخرج او يتفرج علي كرتون حافظ حلقاته صم - عايز يكدّرك - شايفك هترتاحي فا اتكدر فا بيزن - مش عارف هو عايز ايه فا بيزن - تعب من الزن فا بيزن.. معروفة يعني - بيزن عشان بيتخانق علي فتفوته علي الارض مع اخوه - بيزن عشان دخلتي التواليت و سبتيه !! انتي اتجننتي باين الزن ال mono tone المستمر بلا توقف ممكن يخليها تنتحر و ترمي نفسها من الدور العشرين و هى ضميرها مرتاح لان خلايا مخها فقدت القدرة علي السيطرة وبقيت كائن غير سوي نفسياً... مدة الزن بتتراوح من ١٠ ل ١٢ ساعة يتخللهم عياط او برطمة بدون مبرر بس الحاجة الوحيدة اللي ممكن تديكي امل انهم بيبطلوا زن و هما نايمين... عشان نقفل الموضوع ده مش بطر علي النعمة بس فعلا لازم الابهات يحترموا تعب الامهات خصوصا في تحملهم الزن اللي بيكون بره البيت و جوه البيت و في النادي و المطعم و عند تيته و الصحاب ... و الزن بيحلي اوي لو بتتكلم في الموبايل في حاجة مهمه او بتحاسب او بتحاول تفتكر حاجة.. لازم نحترم ضغط الام و ارهاقها من كتر الزن و الطلبات.. حضرتك لو عميل عندك زن عليك مرتين في اتصال ممكن بتقفل موبايلك من الزهق و التوتر و غالبا بيكون الموقف ده قفلك يومك فا بجد مراتك بتعمل كتير و مستحملة كتير اوي... خليك سند ليها عشان متنطش من البلكونة و الابتسامة باظة من وشها .. ماما_مامي_ماما_مامي انتِ_بطلة 
|
|
08 - 06 - 2017, 09:57 AM
|
رقم المشاركة : ( 2 ) | ||||
|
..::| الإدارة العامة |::..
|
رد: خليك سند ليها عشان متنطش من البلكونة
ربنا يفرح قلبك
|
||||
|
|
|
08 - 06 - 2017, 11:57 AM
|
رقم المشاركة : ( 3 ) | ||||
|
† Admin Woman †
|
رد: خليك سند ليها عشان متنطش من البلكونة
خليك سند ليها عشان متنطش من البلكونة و الابتسامة باظة من وشها .. ماما_مامي_ماما_مامي انتِ_بطلة |
||||
|
|
|
11 - 06 - 2017, 08:45 AM
|
رقم المشاركة : ( 4 ) | ||||
|
..::| الاشراف العام |::..
|
رد: خليك سند ليها عشان متنطش من البلكونة
ميرسى لمروركم الغالى
 |
||||
|
|
|
16 - 06 - 2017, 04:49 PM
|
رقم المشاركة : ( 7 ) | ||||
|
..::| الاشراف العام |::..
|
رد: خليك سند ليها عشان متنطش من البلكونة
ميرسى لمرورك الغالى
|
||||
|
|
|
25 - 10 - 2017, 09:41 AM
|
رقم المشاركة : ( 8 ) | ||||
|
..::| الاشراف العام |::..
|
رد: خليك سند ليها عشان متنطش من البلكونة
الجزء الثانى من الموضوع
مراتك بتستحمل ايه ؟؟ |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| خليك حنيّن عشان الناشف بيفضل فاكر إن الدنيا قدامه لسه طويلة |
| خليك نور وطوق نجاة لغيرك عشان يعدي |
| خليك إيسيذوروس في خدمتك عشان ثمرك يبقا بي جوري |
| خليك راجل ليها مش عليها |
| خليك دايما سند ليها فـ الحياه |
العرض العادي
