عن نظرتها ليه

[walaa farouk]

النظره دي مش تمثيل لان مفيش اي ممثل مهما كان موهوب يقدر يمثل الحب..
النظره دي حقيقيه لانها بجد..
بعد كده بنستغرب ازاي الست بعد كل الحب دا ممكن تقرر الانفصال وتفضل انها تبعد..
ببساطه قرار البعد عند الست بيبقي مبني علي تراكمات عمره مابيجي بين يوم وليله..
تفضل انت تتشقلب عشان تلفت نظرها وتموت نفسك اهتمام ومفاجات وكلام حلو وهدايا وخروجات عشان تحبك وتتعلق بيك واول ما دا يحصل وفي لقطه تلاقي كل دا بيتراجع تدريجيا لحد ماتبقي واخداها " for granted " ومتخيل انها هتعيش تحبك علي ذكري علاقتكم في الاول ودا بيحصل فعلا مش هقول لا الست فعلا عندها القدره علي انها تكتر الكلام الحلو والتصرفات الرومانسيه وتفضل هي تفتكرلك الحلو وتفضل انت تزود الوحش لحد ما واحده واحده الحلو الي ليك عندها يخلص ومايبقاش ليك عندها اي رصيد وهنا دايما بداية النهايه لان فالمرحله دي الست بتبدا تشيل منك واحده واحده لحد ما تجيب اخرها وانت بمنتهي الغباء والانانيه مكمل عادي وفاكر انها عادي هتتصالح بكلمتين بس للاسف الست لما بتشيل بتبقي ادتك ميت فرصه وافترضتلك ميت عذر وعذر..
خلي بالك الست مش سهل تبيع بس لما بتبيع مابتشتريش تاني ابدا...

[Mary Naeem]

الست لما بتشيل بتبقي ادتك ميت فرصه وافترضتلك ميت عذر وعذر..
خلي بالك الست مش سهل تبيع بس لما بتبيع مابتشتريش تاني ابدا...

صح الكلام

ربنا يباركك

[walaa farouk]

ميرسى كتير على مرورك الغالى مرمر