ساعة ما ربنا قال لابونا ابراهيم قدملي ابنك ذبيحة .. ابونا ابراهيم شهل وخد الواد وبعدين في الطريق اسحق سأله : طب الحطب وموجود و النار موجودة امال خروف المحرقة نفسه فين؟ فَقَالَ إِبْرَاهِيمُ: «اللهُ يَرَى لَهُ الْخَرُوفَ لِلْمُحْرَقَةِ يَا ابْنِي». فَذَهَبَا كِلاَهُمَا مَعًا. سفر التكوين8:22 .. يعني قالوا بص ربنا هيتصرف ،
حتي وهو في طريق صعب عارف ان ربنا هيتصرف .. قلبه بيصارع عقله ازاي يتخلي عن الحيلة ابن الضحك بتاعه ومكمل عارف ربنا هيتصرف..
و ربنا دايما قد المسئولية دي..
وراح خلاه يرفع عينه يلقي ذبيحة للمحرقة بدل اسحاق ..
بيتصرف .. بيتصرف وانت داخل علي خطوة مهمة قلقاك .. بيتصرف وانت متدروش ومش عارف تعمل ايه .. باي شكل وفي اي وقت وخصوصا اخر لحظة في قلب التعب انت ماتتوقعهاش..بيتصرف.
