المنطقة الزمنية

[walaa farouk]

حاول تفهم دي ..
- واحد فضل سنجل لحد 33 وأول ما إتجوز خلف علي طول ، وواحد تاني إتجوز وهو 23 سنة وخلف بعد 10 سنين.
- واحد إتخرج وهو 22 سنة وفضل 5 سنين لحد ملاقي شغل كويس ، وواحد تاني إتخرج وهو 27 ولاقي شغل علطول.
- واحد بقي مدير في شركة وهو 30 سنة ومات وهو 50 سنة ، وواحد بقي مدير وهو 50 سنة وعاش لحد 70 سنة.
- واحد خلص دراسة وسافر وإشتغل 10 سنين غربة وعمل ملايين وأول مارجع جاله مرض صرف عليه إللي وراه وإللي قدامه، أو دخل مشروع وخسر ، وواحد تاني سافر بعد ما إتخرج بـ 6 سنين وفي سنة عمل كل إللي نفسه فيه.
- حياة كل واحد فينا معتمدة علي مكانه علي حاجة إسمها المنطقة الزمنية ( تغير الحال )time zone ، زمايلك إللي في نفس سنك أو الأصغر منك سنا وإللي بتشوفهم سابقينك في الشغل والجواز والحياة بصفة عامة بنظرة بسيطة time zone بتاعهم إن ده الوقت المناسب للحالة إللي هو فيها وإللي أكيد هيلف وهيعدي عليك في يوم من الايام والنظرة إللي كنت إنت بتشوفها في أصحابك هتلاقي ناس بتشوفها فيك في يوم من الايام.
- بشكل أو بأخر كل واحد ليه 24 قيراط هياخدهم هياخدهم علي بعض ممكن أو متفرقين في أوقات مختلفة المهم إنه هياخدهم قبل مايفارق ببساطة ربك مش ظالم "وما يظلم ربك احد"
- المسألة مسألة وقت إيمانك الحقيقي بعطاء ربنا هو إللي هيهيئك للرضا
عملت اللي عليك ذاكرت - إشتغلت - دورت علي بنت الحلال - فكرت - وحاولت وأخدت
بالأسباب إللي توصلك لـ time zone إللي إنت عايزه ده دورك الباقي بقي مش بتاعك بتاع ربك يجي وقت مايجي ممكن يكون الزمان مش مناسب ..
المكان مش مناسب - إنت نفسك مش مهيئ للحاجة دي بس جهلك بالغيب وعدم إطمئنان قلبك بتوزيع ربك للرزق هو إللي عاميك عن كدا وشايف إنك كدا متأخر.

[sama smsma]

إنت نفسك مش مهيئ للحاجة دي بس جهلك بالغيب وعدم إطمئنان قلبك بتوزيع ربك للرزق هو إللي عاميك عن كدا وشايف إنك كدا متأخر.

صح جداا
ربنا يبارك خدمتك يا ولاء

[Mary Naeem]

إنت نفسك مش مهيئ للحاجة دي بس جهلك بالغيب وعدم إطمئنان قلبك بتوزيع ربك للرزق هو إللي عاميك عن كدا وشايف إنك كدا متأخر.

رووووووووووعة حببتي
ربنا يفرح قلبك

[walaa farouk]

ميرسى كتير على مروركم الغالى