|
 |
 |
 |
|
رقم المشاركة : ( 1 )
10 - 05 - 2017, 04:39 PM
|
|||||||||||
|
|||||||||||
 ٱية هو الحُب ؟! - السؤال اللى آخد من تفكيرنا كتير وٱغلبنا لسة مبيعرفش يجاوب .. أنا ٱقولكُم ٱية هو الحُب.. :")) ❤ - الحُب هو مشاعر بتخترق قلب الإنسان من غير إستاذان مجرد مشاعر تبدأ تنمو زى الأرض الخصبة لما تبدأ تحط البذرة وترويها وتحافظ عليها وهى تبدأ تزرع وتكبر ، الحُب زى الزرع بالظبط عاوز إهتمام ورعاية علشان يكبر ، بس مش معني كدة إنك تصرف ف إهتمامك بشكل مْزعج ، لالا إنت غلطان .. إنت لما بتيجى تزرع زرعة مش بيبقا ليها نسبة ميه مُعينة ! يعنى مش بنديها ميه كتير أوى ولا قليلة أوى ، لا هي مجرد نسبة .. هو الحُب كدا بالظبط نسبة إهتمام ، ونسبة رعاية وخوف و إطمئنان و رومانسية ، ألخ .. جرعات لو زادت عن حدها الحُب يموت ولو قلت الحُب برضو يموت ف لازم تكون وسط بالجرعات المحددة ، هى مش كمياء يا صديقي إطلاقاً ، بس مُجرد حسبة بسيطة علشان تحافظ على حُبك .. ضربات قلبك السريعة إلى بتيجى فجاءة مع كل مرة بتكلم حد بتحبه نفسك تقوله إنت خلتنى أعيش من جديد وكأنك بتتولد فى اللحظة إلى بتعرف فيها أن الطرف التانى بيحبك .. لغبطة فى كل شئ ، مشاعرك وتفكيرك وكإن الزمن كله بيقف من حواليك وإنت مش حاسس بأى حاجه ، عايز تتكلم بس حاجة ماسكة لسانك نفسك تقول كل اللي ف قلبك بس مش قادر من كتر خوفك ولغبطة مشاعرك ..! فى ناس بتقول "مراية الحُب عامية" دول ناس مريضة ، مراية الحُب مفتحة ، ومفتحة أوى كمان بس مجرد ما بتحب الشخص مع الوقت بتعرف انك حبيت عيوبه كمان ، يعنى بتحبه بعيوبه حتى لو هي أسوء حاجة فيه خلاص قلبك عاوزه وعقلك موافق :")) جرب مرة تسيب نفسك للحُب بدون خوف عيش اللحظة بمعنى أصح ، جرب تعمل كل شئ من خلال حُبك .. جرب تتجنن وجرب تبقا واقعى ، أقولك جرب تحِب الحُب :") عارفين كلمة حُب دى بيندرك تحتها إية ؟! العطاء والرومانسية والاهتمام والتضحية والتحمل والإخلاص والاحتواء و الشجن و العاطفة والحنين وحاجات كتير أوي .. كل واحد فينا بيختلف عن التانى وكل قلب وليه مفتاحه جرب توصل للطرف التانى ، حاول تعرف مُفتاح قلبه بيحب إية وبيكره إية ، وإذا فشلت حاول تانى المُهم إنك توصل حتى لو قعدت 100 سنة بتحاول بس مصيرك هتوصل لقلبه .. فى جملة كانت بتتقال ، إن اللى بيحب بيبقا دايماً زى السكران ، ٱيوا سكران بس بمزاجه ، مش عايز يفوق من حالة الحُب اللى عايش فيها عاوز يفضل فيها وميخرجش .. - هقولها تانى "قلبه عاوز وعقله موافق" عارفين إية أكتر حاجة ممكن تحلى الحُب ؟! - هي لغبطه المشاعر .. مشاعرك ملغبطة ، إرتباك ، حنين وحُب وشوق مُجرد ماتشوفه تنسي الكلام ، مُجرد ماتسمع إسمه تحاول توصفه متعرفش تلاقى كلام مايكفيش يوصفه ، صدقونى الحُب ده إحنا من غيره منقدرش نكمل حياتنا ، الحُب هو أساس بناء الحياة .. أنصحكُم تجربوا تتعلموا الحُب قبل متحبوا جربوا تحافظو على مشاعركُم للوقت المُناسب خلى فى جرعات علشان متزهقوش من بعض إعملوا Update لمفهوم الحُب عندكُم .. - عندما تدرك المعنى الحقيقي للحُب تأكد أنك تحب .. عندما تنظر فى وجهة من تحب فتراه من أجمل ما رأت عينك وعند بدأ الحديث مع من تحب يدق قلبك بشدة وكأنك تعدو من فوق جبل ، الحُب هو الشئ الوحيد الذي يجعل قلبك سعيداً ، تأكد أن جرعات الحُب الذي ياخدها قلبك هى التى تحيه وتجعله ينبض. إنتبه! إلى قليلا إسترخى .. تذكر معى لحظات حُب أسعدتك بالتأكيد يوجد لحظات حُب بداخلك مازال عقلك يحتفظ بها ..😉❤ 
|
|
10 - 05 - 2017, 05:40 PM
|
رقم المشاركة : ( 2 ) | ||||
|
† Admin Woman †
|
رد: ٱية هو الحُب ؟!
إنتبه! إلى قليلا إسترخى .. تذكر معى لحظات حُب أسعدتك بالتأكيد يوجد لحظات حُب بداخلك مازال عقلك يحتفظ بها ..��❤\ رووووووووووعة حببتي ربنا يفرح قلبك |
||||
|
|
|
10 - 05 - 2017, 09:24 PM
|
رقم المشاركة : ( 3 ) | ||||
|
..::| الإدارة العامة |::..
|
رد: ٱية هو الحُب ؟!
ميرسى على مرورك الغالى مرمر |
||||
|
|
 |
| أدوات الموضوع | |
| انواع عرض الموضوع | |
|
العرض العادي
