|
 |
 |
 |
|
رقم المشاركة : ( 1 )
08 - 05 - 2017, 08:12 PM
|
|||||||||||
|
|||||||||||
 من النماذج المشوهة في الحب هي إن الإنسان يقايض أفعاله الخيره بالحب ، فيتخيل انه ممكن يشتري حب اي انسان مقابل أفعال أخلاقية معينة .. فيتسرب لبعض البشر نظرية سخيفة أنهم يداينوا الناس اللي عاوزينهم يحبوهم !!! و لو لوصلت لزرع شعور الدين المستمر فيهم ، فتبقي الخطة تحسسيهم بعجزهم الأزلي في سد الدين ده و يكون رد الفعل حب بطعم القهر و ولاء بريحة الذل ! .. زي أب يعاير أبنه بتربيته ، صديق مراهق يعاير صديقه بالوقوف جنبه وقت الحاجة ، زي حبيب او خطيب أو زوج يعاير شريكه بأحتواء نفسي او مادي او أجتماعي !! و يكون الحساب المطلوب دفعه هو الحب ! علي الناحية التانية ، المحبة مينفعش تبقي رد دين .. مينفعش محبتي لأهلي تبقي لشعور سطحي ما اني بكدة برد دين عليا ،، أو أحب صديق و أعتبر ان حبي ده تسديد لسلوكه الطيب معايا ،،، حتي بالنظر لقضية حب الأله مش منطقي إن حبي تجاه الله يبقي نتيجة لأفضاله و عطاياه - اللي تعتبر نسبية في وجهة نظري- فساعتها ممكن الحب الألهي يتحول لفاتورة ألزامية أجبارية لازم تتدفع !! أو في حال غضب مؤقت تجاه الأله يبقي مفيش غاية من الحب ده ... و تبقي في النهاية محبة مشروطة قايمة بمنفعة !! و في حالة زوال المنفعة أو شعوري بتسديد قيمتها من حقي أعتاق روحي من دين الحب !! ... فالدين قيد و المحبة حرية .. الدين مؤقت و المحبة دايمة .. الدين بيترد اما المحبة لا يمكن تنتهي .. فمينفعش تتحسب بعقولنا الصلبة او تتقاس بمقايسنا المادية الضعيفة .. أنما هي أسمي من اي منطق بشري أتوجد و أرقي من اي حسابات أرضية .. .. فببساطة .. المحبة لا تصنع مديونين و لا تمارس مع ديانه ... 
|
|
09 - 05 - 2017, 11:31 AM
|
رقم المشاركة : ( 2 ) | ||||
|
† Admin Woman †
|
رد: المحبة مينفعش تبقي رد دين ..
أنما هي أسمي من اي منطق بشري أتوجد و أرقي من اي حسابات أرضية .. .. فببساطة .. المحبة لا تصنع مديونين و لا تمارس مع ديانه ... صح يا قمر ربنا يباركك حببتي |
||||
|
|
|
09 - 05 - 2017, 08:55 PM
|
رقم المشاركة : ( 3 ) | ||||
|
..::| الإدارة العامة |::..
|
رد: المحبة مينفعش تبقي رد دين ..
... فالدين قيد و المحبة حرية .. ميرسى على مشاركتك الجميلة ريناالدين مؤقت و المحبة دايمة .. |
||||
|
|
|
09 - 05 - 2017, 09:09 PM
|
رقم المشاركة : ( 4 ) | |||
|
..::| العضوية الذهبية |::..
|
رد: المحبة مينفعش تبقي رد دين ..
موضوع مفيد جداا ..ميرسى رينا بجد
|
|||
|
|
|
12 - 05 - 2017, 07:34 AM
|
رقم المشاركة : ( 5 ) | ||||
|
..::| الاشراف العام |::..
|
رد: المحبة مينفعش تبقي رد دين ..
ميرسى لمروركم الغالى
 |
||||
|
|
 |
| أدوات الموضوع | |
| انواع عرض الموضوع | |
|
العرض العادي
