صلوا ان ربنا يعدل المايل ...

[Rena Jesus]

في مرة واحده اتخانقت مع جوزها خناقه جامده ـ
فقررت تسيبله البيت وتسيبله كمان عيالها
وفعلا هربت بالليل بعد مالبيت كله مانام ،
وفضلت تتسحب بشويش من جنب شبابيك البيوت اللي حواليها علشان محدش يسمعها

وهي بتتسحب عند اول شباك سمعت ام بتصلي ان ربنا يشفي ابنها المشلول اللي مش عارف يلعب زي باقي الاطفال
وسمعت ست بتصرخ لربنا انه يديها طفل او حتى روح في حجر
وسمعت زوجة بتدعي ان ربنا يهدي جوزها ويزود رزقه
وسمعت بنت بتصلي لربنا وتقوله ماما وحشتني اوي لكني واثقه انها عندك في مكان حلو

سمعت مشاكل كتير جدا مكنتش حاسه بيها
لأن بمجرد مابيجي النهار والكل يطلع من بيوته ، الوشوش بتتساوى والمشاكل بتتركن علي جنب ،
ومابيحسش بيها غير اللي شايلها في قلبه ومداري
حرفيا ، كل البيوت في مشاكل
ماتقارنوش حالكم بحال غيركم
صلوا ان ربنا يعدل المايل ... وسيستجيب

[walaa farouk]

ماتقارنوش حالكم بحال غيركم
صلوا ان ربنا يعدل المايل ... وسيستجيب

كلام جميل يا رينا

[Mary Naeem]

كل البيوت في مشاكل
ماتقارنوش حالكم بحال غيركم
صلوا ان ربنا يعدل المايل ... وسيستجيب

رووووووووووعة حببتي
ربنا يفرح قلبك

[Rena Jesus]

ميرسى لمروركم الغالى