أعظم مثل للأم.

[walaa farouk]

جوزها مات ومكانتش عارفه تعمل ايه، ماسبلهاش حاجة غير الديون وخلاص جه وقت الدفع وإلا الديَّانة هياخدوا أولادها!

وقتها ماكنش عندها أي حل غير انها تروح لراجل معروف عنه أنه نبي وشرحت له كل المشكلة ولما سألهاعن إمكانياتها أو اللي عندها علشان تسدد بيه الديون دي، فقالت له :
" نقطة زيت! لحظة نقطة زيت ايه اللي بتتكلمي عنها؟

النبي ده كان اسمه إيليا، بصراحة وانا بتابع أحداث القصة دي فضلت مستغرب إنها قدرت تفتكر نقطة الزيت وسط كل الظروف اللي هي فيها دي! لكن الموضوع موقفش هنا، النبي طلب منها تجمع كل الأواني اللي عندها ولو فيه كمان عند جيرانها تجيب لأن الموضوع شكله هيبقى فيه حاجة كبيرة، وقالها تبتدي تصبي من نقطة الزيت في كل الحاجات اللي عندك مع إنه الكلام يبان مش منطقي خالص، لكن الغريبة بقى أن الست مكدبتش خبر وراحت البيت ولمت كل اللي عندها واللي ينفع تحط فيه الزيت وجابت كمان من جيرانها..

وبصراحة أنا لو من جيرانها كنت هقول عليها اتجننت، يا حرام الست مسكينة وجوزها مات وساب لها ديون وبلاوي متلتلة فوق راسها وغير ده كله خايفة على ابنها اللي هيتاخد منها، برضة كل ده مفارقش معاها، جابت الحاجات اللي لمتها وقفلت عليها باب البيت وقررت تصب من نقطة الزيت.. وهنا بقى حصل فعلا المعجزة اللي بجد لأن بنقطة الزيت دي اتملت كل الحاجات اللي موجودة واللي استلفتها كمان لغاية أخر واحد. وباعت الست الزيت وعاشت هي وعيالها بالباقي.

الست دي مثالية في حفاظها على ابنها، مستقلتش باللي عندها ولا بكلام الله وقدرت بالقليل اللي عندها وبالثقة في الله تحمي ابنها وتربيه، ده أعظم مثل للأم..
الأم اللي تربي ولادها حسب ما ربنا يقولها وحسب ما هو عايز، متعتمدش على اللي عندها بس ولا تهتم بكلام الناس، طالما بتسمع كلام خالق

[Rena Jesus]

ميرسى ربنا يفرح قلبك

[Mary Naeem]

مشاركة جميلة جدا

ربنا يبارك حياتك

[walaa farouk]

ميرسى كتير على مروركم الغالى