- إزيك 😊 ؟
- يااااااااااه أنت لسه فاكرنى ، دا انا إفتكرتك نسيتنى ..
- معلش مشاغل الدنيا ، وزحمة المشاكل بتنسى الواحد نفسه ..
- امممممم ، طيب ... عموماً بالتوفيق
- ماللك ، إنت زعلان منى ؟
- لا طبعاً مش زعلان ، أنا واخد على خاطرى بس ،
عشان إتصلت بيك كذا مره وأنت كنسلتنى .
- معلش 😊
- حصل خير ولا يهمك ... قولى بقى ،
زيارتك ليا انهرده اكيد عاوز حاجه ، قول بقى محتاج إيه ؟
- مش عارف أقولك ايه 😊 ، دايما فاقسنى ..
- يابنى دانا مربيك على إيديا وياما لعبت معاك انت وصغير ،
بس للأسف كبرت والدنيا خدتك منى ... المهم أحكيلى ، ماللك ؟
- انا تعبان ومحتاج أتكلم وأفضفض معاك ، حاسس ان فى جبل على صدرى ،
محتاج حد أمين زيك ، يسمعنى ومايطلعش سرى بره ..
- أتفضل انا سامعك..
- اممممم 🤔، مش عارف أبدأ منين ،
انا حاسس انى كنت فى خناقه وجسمى كله بينزف ومش عارف النزيف جاى منين ،
حاسس إنى بتصفى وهاموت محتاج دكتور شاطر يكشف عليا ويشفينى ،
حاسس كمان إنى وقعت فى بركة مياه راكده ومش عارف اطلع منها
حاسس انى بموت بالبطئ فيها ،
حاسس كمان إنى كنت فى مشوار بعيد فى المقابر والتراب مالينى ...
محتاج أنضف من اللى انا فيه ، مش طايق نفسى ،
حاسس انى عاوز أعيط يمكن أرتاح ، هو انا ممكن أحضنك وأعيط ؟
- 😰😰، يااااااااه ، انت للدرجادى تعبان ..
- انا بمووووووووووت 😢😢😢، بموت يارب ،
ومحدش غيرك اللى هايحس بيا فى ضيقتى دى ،
انا مش محتاج فلوس ولا نجاح ولا اى حاجه ،
انا محتاج منك انك تريحنى من ضيقتى وتخلصنى من مشاكلى ،
محتاج أبدأ صفحه جديده ، والماضى بوجعه واعماله وتوابعه تتمسح ...
نفسى أحيا حياه جديده ، نضيفه .... انا خايف 😞 ، اكيد انت حاسس بيا ..
- ماتخافش يا حبيبى لإنى وعدتك من زمان .....
تَعَالَوْا إِلَيَّ يَا جَمِيعَ الْمُتْعَبِينَ وَالثَّقِيلِي الأَحْمَالِ، وَأَنَا أُرِيحُكُمْ
- بس انا كل ما برجعلك وتنضفنى من اللى انا فيه ، بضعف تانى واسيبك وابعد ،
محتاجك تقوينى انى ماضعفش تانى ..
- أدعونى وقت الضيق أنقذك فتمجدنى ...
كل ما تحس بضعف ، كلمنى نادى عليا ، هانقذك ، زى ما انقذت دانيال من جب الأسود ، ويونان من بطن الحوت هانقذك انت كمان .
- بس انا خايف يارب إنى ماقدرش أكمل ...
- شُكْرًا ِللهِ الَّذِي يُعْطِينَا الْغَلَبَةَ بِرَبِّنَا يَسُوعَ الْمَسِيحِ" ....
زى ما حولت شاول لبولس ، وموسى للأنبا موسى ،
وشجعتهم وسندتهم فى تجارب كتير، هاقف معاك وهاسندك .
- وعد ؟
- لاَ تَخَفْ، أَيُّهَا الْقَطِيعُ الصَّغِيرُ، لأَنَّ أَبَاكُمْ قَدْ سُرَّ أَنْ يُعْطِيَكُمُ الْمَلَكُوتَ. ماتخافش انا دايما معاك 😄
- وانا واثق فى كلامك.. أستطيع كل شئ فى المسيح الذى يقوينى
cpd
