|
 |
 |
 |
|
رقم المشاركة : ( 1 )
17 - 03 - 2017, 11:25 PM
|
|||||||||||
|
|||||||||||
 محسبتهاش وروحي صرخت م التعب مسمعتهاش العمر في ايديا كأنه شوية مية نزلت ملحقتهاش وياللي واقف ع القلوب عمّال تنادي سيبها السنة دي الخطة فشلت وبصراحة الجون مجاش يعني روحي محجوزة في اوضة الانعاش بتعافر وبتنده ليك مد ايديك ياللي ناديت لعازر قام م القبر وعاش نفسي جيالك يا يسوع بتقولك اسفة اما انا مكسوف من نفسي حتة كاسفة كام مرة خنتك وغلطت وكام مرة نسيتك وبعدت وكام مرة ناديتك وسمعت كام مرة المسامير بايديا جيت وف ايدك دقتها كام مرة ايدك بتخبط علي بابي وعمري مابسمع دقتها واما بخاف ف الدنيا لوحدي نبضات قلبي من غيرك يا الهي يحس بدقتها ده انا من غيرك كنت قصاد الدنيا أنهار وقت جفافي يبقي حنانك ليا في وسط الضيق أنهار واما بكون م الوحدة بعاني بلاقيك جنبي وتدبل بيك شجرة احزاني ما انا وحداني .. وانت كفايتي ورغم خيانتي لسه ايديك بتشيل الحمل اللي علي كتافي لسه في تعبي بلاقيك انت طبيبي الشافي حضنك لسه يارب حنين .. طيب .. دافي وانا لسه معلق اعوادي علي صفصافي بس الوقت الباقي يا دوب وكفاية اللي انا ضيعته اصل العمر ده قطر وماشي مبيستناش محسبتهاش وروحي صرخت م التعب مسمعتهاش العمر في ايديا كأنه شوية مية وقعت ملحقتهاش كل الكلام ده كان في ورقة كاتبه بايديا من زمان وكل حاجة كاتبها لسه يا قلبي برضه هي هي شعري شاب وبقيت عجوز واما شفت الورقة ديه لقيتني بدمع عينيا جيت اقوم .. صدقوني مقدرتش مسكت عكازي وقع حاولت اجيبه معرفتش حسيت بايدي بتترعش وروحي فيا اتكلمت ولقيتها فجأة رنمت مولاي قد مال النهار وليس للسعي اقتدار والعمر ولي كالغمام وقد دنا وقت المنام فامكث معي امكث معي ياسيدي ولقيتني بمسح دمعتي علي كل يوم من عمري فات وقعت مرايتي اتكسرت بالظبط زي الذكريات علي الحيطة لقيت صورتين صورة يسوع وصورة ليا من سنين قلت يارب ياللي سامحت اللص اليمين ارجوك سامحني ياللي سامحت بطرس لما انكر ومخدش باله حتي ان الديك بيدن لقيته مد ايديه حضن صورتي بصورته وعليها كتب مع المسيح ذاك افضل جدا كلمات/ مينا مجدي يا سيدي يسوع المسيح الإله الأزلي الرحيم خالق و مخلّص الجميع استمع إلى صلاتي بحق الحب الذي تكنّه لكلّ الذين يطلبون المغفرة انظر إليّ بعين الرحمة كما نظرت ذات يوم إلى مريم المجدلية و إلى بطرس الذي أنكرك انظر إليّ يا سيدي يسوع المسيح كما نظرت إلى لص اليمين المعلّق على الصليب و إلى كلّ خاطئ غفرتَ له انظر إليّ يا ربّي الرحيم كما نظرت إلى أمّك مريم الواقفة بحزن تحت الصليب اجعلني أشعر في أعماق قلبي بالحنان الذي شعرت به تجاهك و اجعل عيناي تذرفان الدموع على حزنك الذي سببته حياتي الآثمة اُدعُني لأعود من أعماق الظلمة إلى بيت أبي أعطني قلباً جديداً و أجلسني بقربك على المأدبة التي أعددتَها لي ساعدني يارب علشان احسبها صح 
|
|
18 - 03 - 2017, 09:10 AM
|
رقم المشاركة : ( 2 ) | ||||
|
† Admin Woman †
|
رد: محسبتهاش صح
شكرا يا لولو |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| محسبتهاش صح |
| محسبتهاش صح |
العرض العادي
