|
 |
 |
 |
|
رقم المشاركة : ( 1 )
17 - 02 - 2017, 04:40 PM
|
|||||||||||
|
|||||||||||
|
_ انا ضميري بيأنبني ..انا حاسس بالذنب اعمل ايه ؟ *** امتي بيجيلك الاحساس ده ؟ يعني لما بيحصل ايه بتقرر انك تحس بالذنب ؟ _ يعني ايه مش فاهم ؟ ***يعني كل واحد عنده سور حواليه جوا السور ده الحاجات اللي مسموحله انه يعملها السور ده جواه معتقداتك وافكارك والامان اللي بتحسه لما بتنفذهم وتعمل حاجه توافقهم وبرا السور ده بيحس بالذنب لانه خالف افكاره ومعتقداته والثوابت اللي محددها لنفسه المشكله ان مع الوقت المعايير دي بتتغير وبتتكسر ومعاها السور بيتكسر ومبنعرفش بالظبط حدودنا فين يعني المفروض نحس بالذنب في حدود السور بتاعنا ولا في حدود سور الجيران حسب معاييرنا احنا ولا معايير الناس ووسط التوهه بنغرق في الاحساس و اما بنكره نفسنا ونحس ان مفيش فايده واما بنيجي علي نفسنا دايما علشان نهرب من الاحساس ده واننا خرجنا برا الامان بتاعنا الاحساس بالذنب منبه بس بينبهك انك اتعديت علي قيمك بس الاول محتاج تحدد ايه هي قيمك اللي محتاج علي اساسها تبني السور ؟ _ طب ازاي احدد قيمي واحدد مكان السور ؟ *** هات ورقه وقلم وارسم دايره جوا الدايره دي قيمك ومعتقداتك اللي لو خالفتها تسمح لنفسك انك تحس بالذنب علشان ينبهك فترجع تاني تاخد بالك مش علشان تغرق فيه وبرا الدايره دي مش هتحس بالذنب لانها معايير الناس مش معاييري انا فانا هبقي مرتاح وعارف انه ميخصنيش مهما حد حاول يضغط عليك او يبتزك عاطفيا ونفسيا واهم معيار جوا الدايره هو ايه اللى يرضى ربنا لان ده المعيار اللي لو خالفناه بنتوه ومبنعرفش نعيش الا لما نرجع تاني نبني السور ونحس بالدفا والامان والباقي مقدور عليه الاحساس بالذنب منبه ياما نسمعه ونفهمه ونتحرك ونغير اللي بنعمله ياما نسيبه يرن لحد ما دماغنا تنفجر المهم نظبط معاييرنا قبل ما نقرر نحسه ولا لأ 
|
|
17 - 02 - 2017, 05:03 PM
|
رقم المشاركة : ( 2 ) | ||||
|
† Admin Woman †
|
رد: انا ضميري بيأنبني ..انا حاسس بالذنب
مشاركة جميلة جدا ربنا يبارك حياتك |
||||
|
|
|
17 - 02 - 2017, 11:32 PM
|
رقم المشاركة : ( 3 ) | ||||
|
..::| الإدارة العامة |::..
|
رد: انا ضميري بيأنبني ..انا حاسس بالذنب
ميرسى على مشاركتك الجميلة رينا
|
||||
|
|
|
18 - 02 - 2017, 01:32 PM
|
رقم المشاركة : ( 4 ) | ||||
|
..::| الاشراف العام |::..
|
رد: انا ضميري بيأنبني ..انا حاسس بالذنب
ميرسى لمروركم الغالى
 |
||||
|
|
|
28 - 04 - 2017, 07:18 AM
|
رقم المشاركة : ( 6 ) | ||||
|
..::| الاشراف العام |::..
|
رد: انا ضميري بيأنبني ..انا حاسس بالذنب
ميرسى لمرورك الغالى
|
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| نور ضميري بنور كلامك |
| خجلان حاسس بالذنب هيسمعك |
| مهما كنت حاسس بعجز، حاسس بيأس.. |
| ضميرى الدراسى |
| ليه حاسس أني وحيد...ليه حاسس ان محدش مهتم بيا..واني مش فارق مع حد ...وكأن الناس نسيـــــــــــــــان |
العرض العادي
