الحمد لله، ان شاء الله، بكره هاتفرج، الصبر جميل ).

[marit jesus]

( الحمد لله، ان شاء الله، بكره هاتفرج، الصبر جميل ).
من أجمل العبارات اللي بنسمعها في حياتنا. وبتسعدنا وبترضينا بحالنا.
ومافيش واحد عاقل يقدر يقول حاجه في فضل ذكر الله والتوكل علي الله. ايا كانت ديانته ايه. احنا واجب علينا الشكر في كل الاوقات
بس احنا للاسف الشديد، اساءنا استخدام ( الحمد لله )
⛔⛔⛔⛔⛔⛔⛔⛔⛔⛔⛔⛔⛔⛔⛔
كلنا بنمر بظروف مشابهه للأمثلة دي.
1. مش لاقي شغل وقاعد علي القهوة ؟
2.عليك اقساط ومرتبك مش مكفيك ؟
3. صدرك تاعبك وصحتك مش كويسه ؟
4. عاوز تتجوز بس مش عارف تجيب حق الشبكة ؟
5. فيه مشاكل مع أهلك. وزهقت من الحياة ؟
ادامك حل من 3.⤵
2. تقول الحمد لله انا احسن من غيري ( وتضحك علي نفسك ).
وتفضل زي مانت.
3. تشتغل وتموت نفسك شغل وتسعي انك تحل مشاكلك بعيد عن ربنا.
وفعلا هاتحل مشاكلك. بس عمرك ماهاتبقي سعيد بعيد عن ربنا.
1. تقول الحمد لله والشكر لله علي نعمه الكتير. بس تتحرك عشان تبقي افضل. وتشتغل وتجتهد اكتر. وتحل مشاكلك بعزيمة وإصرار ( ورضا ).
اوعي تخلي عبارة ( الحمد لله ) شماعة عشان تفضل زي مانت.

[Rena Jesus]

ميرسى ربنا يبارك تعب محبتك

[Mary Naeem]

ربنا يبارك حياتك

[MenA M.G]

موضوعك مميز .. طرح رائع
ربنا يبارك خدمتك