في مغالطة في علم المنطق أسمها الـ Galileo Gambit " مغالطة جاليليو "
و اللي بيستخدمها بعض الناس أنهم يقارنوا نفسهم بالعالم الكبير جاليليو
أنه تم أضطهاد اراءه و اتهاجم جامد في عصره بس مع الوقت ظهر ان هو اللي صح !!
فبيستخدموا القصة ديه انهم يقنعوا نفسهم و اللي حواليهم ان برضة مع الوقت حيطلعوا هما اللي صح و مظلومين زي جاليليو ! ..
.. فالهجوم علي اي رأي او اضطهاد اي فكرة ملوش اي علاقة بصحتها او منطقيتها ..
فبالرغم أن جاليليو اتهاجم كتير و طلع صح في الاخر إنما في كتير غيره اراءهم اتهاجمت و اتضحك عليها و مع وقت برضة فضلت غلط و ملهاش اي قيمة !!
فمش معني أن كل اللي حواليك بيقولوا لك علي رأي انه غبي أنهم حتمي بيضطهدوك او بيكرهوك ،،
فممكن ببساطة يكون الرأي ده غبي فعلا ..
