|
 |
 |
 |
|
رقم المشاركة : ( 1 )
21 - 01 - 2017, 04:20 PM
|
|||||||||||
|
|||||||||||
|
عويس -المواطن المصري- اللي قرر يبقى بيزنس مان! بص يا عويس.. قبل ما تبقى بيزنس مان لازم تعرف شوية نصايح هتساعدك تنجح: ١- علاقتك بالناس أهم من الفلوس.. وده مش معناه انك تبقى أهبل ولا يتضحك عليك.. بس معناه ان نجاحك الحقيقي هيبقى انك تكسب الشخص نفسه قبل ما تحاول تكسب منه! رأس مالك الحقيقي علاقاتك! ٢- ممكن تخدم الناس من قلبك وبإتقان رهيب ومن غير مقابل... وده برضه هيصب فنجاحك في الاخر والله! مش كل حاجة بتتحسب بالورقة والقلم! ٣- إنك تاخد معاد من مدحت وفتحي وسوسن وانشراح فنفس الوقت دي مش شطارة منك! ولا انت كده بقيت الواد المالتي تاسكر الخطير! دي قلة إحترافية في الشغل سيادتك! ٤- كذلك إنك تدي offer مختلف على نفس الحاجة لأشخاص مختلفين عشان ده قرص عليك إنما التاني شكله شاري دي برضه مش شطارة! دي قلة احترافية! ٥- إنك توعد حد بحاجة وتعشمه وبعدين تاني يوم ماتردش عليه او تغير رأيك او تتفق مع حد تاني دي مش فهلوة! ده اسمه شغل عيال! وانت بتحكم على نفسك كده بالفشل الزريع! ٦- الشخص الناجح هو اللي كل ما يقابل حد شاطر يفكر "ازاي ممكن نتعاون مع بعض عشان احنا الاتنين نكسب" مش "ازاي ممكن استفيد منه واكسب من وراه!" والإحساس ده بيوصل للناس! واحد وانت قاعد معاه تحسه لارج ومتعاون والتاني تحسه عايز يمص دمك ! ٧- فكرة إنك عشان تبين شغلك كويس تقوم موحش شغل غيرك دي فكرة بيئة جدا ودليل إن بضاعتك وحشة وإلا ما كنتش تحتاج تنتقد غيرك كتير! ٨- أما تتفق مع حد على فلوس معينة ماتجيش فنص الشغلانة تقولهم اصل ظهر مصاريف تانية فيضطروا يدفعوا عشان معندهومش حل تاني! يا إما انت مخطط وحاسب الدنيا واللي يطلع ده المفروض انت تشيله.. يا مش عارف تحسبها فتسيبها لغيرك ٩- حلو جميل انك تتكلم عن شغلك وتبين شطارتك وتسوق لنفسك.. بس الشيء اللي بيزيد عن حده بيتقلب ضده! هتحاول تحسس اللي قدامك إنك مفيش منك اتنين هتخنقهم وهتلاقيهم بيطلعوا لك القطط الفاطسة بعدها عشان يكسروا لك مناخيرك دي! ١٠- ما تتعاملش مع العميل على إنك شاكك فيه... مش مآمن له.. مش مرتاح له! لأن الإحساس ده بيوصل والشخص ده ساعتها هو كمان بيقلق منك! فلو مش مرتاح من الأول اعتذر وماتقرفوش! ١١- إنك كل يوم تطلع بفكرة جديدة وخطة لولبية حلو بس ده بيعمل ضغط على الناس اللي بتشتغل معاك.. فحاول تركز! ١٢- خلي دايماً التارجت مع التيم بتاعك إنهم يحبوا الشغل معاك.. مش مجرد يشتغلوا عشان الفلوس! خليهم يحسوا إن انت نفسك added value فحياتهم مش مجرد شخص الأقدار خليته يديهم مرتب اخر الشهر! اعرف ظروفهم وافهم ممكن تطلع قدرات ايه من مين.. هما ناس ليهم قدرات زيك بالظبط مش عبيد بالسخرة! ١٣- خلى التارجت مع منافسيك إنك تبني community او مجتمع بيدعم بعضه مش كل واحد بيقلل من شغل التاني عشان يظهر ١٤- خلي التارجت مع عملائك إنك تكسب صديق حتى لو ماشتغلتوش مع بعض! وبلاش تخسر حد عشان ماتفقتوش في الفلوس! مش ذكاء إنك تكسب الديل وتخسر الشخص! اللي عايز يضيف نصايح لعويس يتفضل 
|
|
21 - 01 - 2017, 04:36 PM
|
رقم المشاركة : ( 2 ) | ||||
|
..::| الإدارة العامة |::..
|
رد: عويس -المواطن المصري- اللي قرر يبقى بيزنس مان!
ميرسي على مشاركتك الجميلة رينا
|
||||
|
|
|
21 - 01 - 2017, 05:13 PM
|
رقم المشاركة : ( 3 ) | ||||
|
† Admin Woman †
|
رد: عويس -المواطن المصري- اللي قرر يبقى بيزنس مان!
مشاركة جميلة جدا ربنا يبارك حياتك |
||||
|
|
|
22 - 01 - 2017, 09:20 AM
|
رقم المشاركة : ( 4 ) | ||||
|
..::| الاشراف العام |::..
|
رد: عويس -المواطن المصري- اللي قرر يبقى بيزنس مان!
ميرسى لمروركم الغالى
 |
||||
|
|
|
22 - 01 - 2017, 06:53 PM
|
رقم المشاركة : ( 5 ) | ||||
|
..::| العضوية الذهبية |::..
|
رد: عويس -المواطن المصري- اللي قرر يبقى بيزنس مان!
موضع مميز ..مشاركة رائعة
ربنا يبارك تعب محبتك ... |
||||
|
|
|
23 - 01 - 2017, 01:00 PM
|
رقم المشاركة : ( 7 ) | ||||
|
..::| الاشراف العام |::..
|
رد: عويس -المواطن المصري- اللي قرر يبقى بيزنس مان!
ميرسى لمروركم الغالى
|
||||
|
|
 |
| أدوات الموضوع | |
| انواع عرض الموضوع | |
|
العرض العادي
