حاجات لازم تتاكدي منها عشان تطمني ان ابنك الحساس مش محتاج دكتور

[Rena Jesus]

حاجات لازم تتاكدي منها عشان تطمني ان ابنك الحساس مش محتاج دكتور

1- انه بيعرف يقول لا لما تقترحي عليه حاجه مش عجباه وتبقي مشكلتك لو بتخيريه وانت عايزاه يقول اه مش يختار
2- انه بيزعل لما يحس احاسيس سلبيه لحسن يكون عنده مشكله في الاحساس
3- انه ليه شخصيه مستقله وساعات بيعمل حاجات من غير ما يرجعلك
4- انه ساعات مش بيسمع الاوامر عشان الشخص مش مقنع احسن لا قدر الله يكون مش بيفكر ولا مش عارف هو عايز ايه
5- انه لما بيتشخط فيه او بيتقهر بيرجع يضايق اللي ضايقه بعد شويه بشكل لا ارادي عشان كرمته بتوجعه وبيحس بالاهانه
6- انه بيقدر يميز الصح والغلط ويعترض احسن يكون شخصيه سلبيه
7- انه بيتمسك بحقه في لعبته وفي مشاركه الغير لعبته زى ماانتو علمتوه وبيحس بالتناقض لو اطلب منه العكس
(صعب اوى تخلوه يسيب لاخته لعبته ولعبتها عشان هي بتصوت وانت مصدعه )

ايوه ده اللي اقصده دي كلها حاجات طبيعيه جداا في كل الناس ومن حقوقه بس هو ممكن يكون بيعبر عنها غلط وده اللي هو محتاج يتعلمه انه يعبر في
1- الوقت المناسب
( لما يهدي او لما اللي قصاده يسمح او يتنازل وقتها ويبقي يشرح بعدين)

2- المكان المناسب
(مش مكان دوشه او مكان فيه خطر او مكان لازم نسيبه حالا او مكان اصحابه طرف في المشكله وهيحط مامته في موقف محرج )

3- الطريقه المناسبه
(انا عارف انك تقصد كذا بس انا حاسس بكذا عشان كذا وكان نفسي يحصل كذا يتكلم عن الموقف مش الاشخاص )

4- يتدرب علي الاختصار
يتدرب يحدد مشاعره واللي هيريحه فعلا وده مهم مهم مهم وكمان مهم يتفهم مشاعر غيره
ويتقبل النتايج بشكل مناسب حتي لو رفضها

5- ويسمع اللي قصاده بشكل مناسب عشان يكسبه (active listening )
مهم تعرف انت كاب او كام او كمدرسه ان الموضوع محتاج تدريب لا يقل اهميه عن الputty training

[walaa farouk]

ميرسي على مشاركتك الجميلة رينا

[Mary Naeem]

مشاركة جميلة جدا

ربنا يبارك حياتك

[Rena Jesus]

ميرسى لمروركم الغالى

[MenA M.G]

دائماً مُشاركاتَكْ رائْعة
موضوعك مُمَيز
ربنا يبارك خدمتك

[Rena Jesus]

ميرسى لمرورك الغالى