|
 |
 |
 |
|
رقم المشاركة : ( 1 )
21 - 01 - 2017, 01:37 PM
|
|||||||||||
|
|||||||||||
|
سكالنسيات ... و حاجات _ الشخص النضيف مبيعرفش يعد في مكان مش مرتب و مش نضيف ... حتى لو مش بيته ... حتى لو مش مكانه ... تلاقيه قاعد مش على بعضه و ممكن جدا تلاقيه بيوضب في المكان و بينضفه بشكل لا إرادي ... اللي بيقلك أنا نضيف و مبستحملش .. بس بتلاقيه في بيوت الناس أو الأماكن العامة بيزبل وراه ... أو حتى مش مهتم و لا فارق معاه يعد في مكان مش مرتب و نضيف ... ده مدعي و كذاب ... بيمثل ... النضافة طبع ... _ الإنسان "سيء السمعة" ... غالبا "وليس دائما" .. بيبقى أكتر إنسان بترتاح في الكلام معاه و بتآمنه على أسرارك ... و بعدها هتعرف هوة ليه "سيء السمعة " ... عشان هوة أحسن و أصدق منهم كلهم .... هوة مش زيهم و لا شبههم ... هوة واضح و صريح و مش بوشين .... هوة صادق مع نفسه ... و مع الناس ... عشان كده هوة "سيء السمعة" _ الحياة حقيقي مبتقفش على حد ... ده لو أنت الطرف المحترم ... اللي حافظ على الوعد و العهد و الأمانة ... و غالبا الصورة دي بتوضح بعد فترة من الزمن .... الزمن منصف ... و النسيان صديق الصالحين ... دون سواهم .... _ الشخصيات المبهرة جدا اللي بتخطفك من أول قعدة و دايما بتلاقي كل ردودها و ردود أفعالها مثالية و عميقة حتى في الأسئلة البسيطة أو حتى الهزار ... دول في الأغلب شخصيات مزيفة ... و مملة ... و غالبا بردوا مش هتحب أنك تعد معاهم كتير ... الحقيقة ان الشخصيات الجميلة المبهرة فعلا بتاخد وقت كبير عشان تكتشفها .. مرة .. في الثانية .. في العاشرة ... ببطء ... و بمتعة ... الشخصيات المبهرة حقيقي ... بتبقى على طبيعتها ... مرتاحة ... مش حاسس أنه قاعد في مبارزة مع حد ... و لا بيحاول يثبت أنه الأفضل ... ولا بيستخدم ثقافته و لا خبرته في الحياة ك material لينال بها اعجاب الناس ... _ كلنا بنحكم على بعض ... و لينا انطباعات داخلية وفقا لظروف بيئتنا و تربيتنا و ... الخ .. بس الشخص المهذب هوة اللي بيخلي صوت انطباعات و أفكاره لنفسه ... و دايما بيفكر نفسه ان كل واحد حر ما لم يضر .. "تهذيب النفس" ... ما بيتنحش للناس و ما بيحسسهمش بإن فيهم "علة ما" ... _ الحالة الإقتصادية للشخص ملهاش أي علاقة بأخلاقه .... الحالة الاقتصادية مبتغيرش من عادات الشخص و عرفه وفقا للشريحة الإجتماعية اللي اتربى فيها ... _ الحب الحقيقي أنك تتمنى سعادة الشخص اللي معاك حتى لو على حساب سعادتك الشخصية .. من غير ما تحس أنه ملزم يعاملك بالمثل ... "مش خد و هات " ..... الحب الحقيقي نادر الوجود .... _ أي حاجة في الدنيا (مادية) مهما كانت حلوة و مريحة و مبهرة .. بتفقد قيمتها بعد وقت ... و بتبقى "عادية" ... و أقل من عادية ... _ النفس البشرية غريبة .... و قلابة .... مفيش حد مضمون ... مفيش .... مفيش (قاعدة ذهبية تحطها أدام عنيك ... ) الحياة حلوة ... اشربوا قهوة ... و انبسطوا .... ديتها موتة .... خليك خفيف .... cpd 
|
|
21 - 01 - 2017, 01:49 PM
|
رقم المشاركة : ( 2 ) | ||||
|
† Admin Woman †
|
رد: الحياة حلوة .... ديتها موتة (شوية كلام ع السريع)
مشاركة جميلة جدا ربنا يبارك حياتك |
||||
|
|
|
21 - 01 - 2017, 02:10 PM
|
رقم المشاركة : ( 3 ) | ||||
|
..::| الإدارة العامة |::..
|
رد: الحياة حلوة .... ديتها موتة (شوية كلام ع السريع)
كلام حلو اووى يا رينا
ميرسي على مشاركتك الجميلة |
||||
|
|
|
22 - 01 - 2017, 09:21 AM
|
رقم المشاركة : ( 4 ) | ||||
|
..::| الاشراف العام |::..
|
رد: الحياة حلوة .... ديتها موتة (شوية كلام ع السريع)
ميرسى لمروركم الغالى
 |
||||
|
|
|
23 - 01 - 2017, 01:01 PM
|
رقم المشاركة : ( 6 ) | ||||
|
..::| الاشراف العام |::..
|
رد: الحياة حلوة .... ديتها موتة (شوية كلام ع السريع)
ميرسى لمرورك الغالى
|
||||
|
|
 |
| أدوات الموضوع | |
| انواع عرض الموضوع | |
|
العرض العادي
