|
 |
 |
 |
|
رقم المشاركة : ( 1 )
14 - 01 - 2017, 08:57 AM
|
|||||||||||
|
|||||||||||
|
يو دونت هاف تو بى سو نايس.. أول تدريب فى السيكودراما حضرته كان فى روما، وكانت المدربة بتعلمنا حاجة مهمة جداً.. طلبت مننا (كنا مجموعة من 30 شخص تقريباً) اننا نتحرك فى المكان بشكل عشوائى، ونمشى نبص فى وش بعض، وكل واحد فينا يبان على وشه تعبيرات وجه تلقائية.. ماكنش فيه اى شروط أو تعليمات بخصوص تعبيرات الوجه اللى بنعبر عنها.. لكنها لاحظت إن كل الناس كانت بتضحك فى وش بعض، أو على الأقل كنا بنرسم تعبيرات وجه (لطيفة).. حد بيضحك.. حد بيبتسم.. حد بيرفع حواجبه.. وهكذا..  الست طلبت مننا طلب غريب شوية: قالت لنا من فضلكم You don't have to be so nice.. يعنى مش لازم تكونوا لطفاء جداً.. وطلبت إننا نبدأ نظهر على وشنا تعبيرات مختلفة خالص.. مش لازم نضحك.. ممكن نكشر، ممكن ننفخ ونفش.. ممكن نعبر عن زهق.. عن غضب.. عن استياء.. عن اشمئزاز.. عن حزن.. عن ضجر.. وبدأنا فعلا نعمل كده.. اللى قضب حاجبيه.. واللى نفخ خدوده وفشها.. واللى عوج بقه.. واللى طلع لسانه.. واللى عمل أى حاجة.. أى حاجة.. وصلنى من التمرين ده رسالة مهمة جداً.. رغم إنها بديهية جداً.. الرسالة دى فكرتنى بحاجة درستها فى التحليل النفسى قبلها بشوية.. وهى إن فيه نوع من الناس بيتصرف مع اللى حواليه طول الوقت على إنه شخص لطيف جداً.. بيرضى كل الناس، مش عاوز يزعل حد، ممكن يتكسف إنه يقول (لأ).. أو يخاف إنه يعترض أو يغضب أو يقرف أو يزهق وإن ده يبان عليه.. دايماً بيحاول يتجنب المشاكل، ويرضى جميع الأطراف.. وساعات كتير بيقدم احتياجات الآخرين على احتياجاته هو شخصياً.. مهما كان جواه من مشاعر انسانية عادية، واحتياجات بشرية لا جدال فيها.. الشخص ده اتعود من صغره إنه يفضل دايماً ال Good child، الطفل اللطيف الظريف، الهادى المسالم، الضاحك المبتسم، اللى مش بيشتكى، ولا بيهش ولا بينش.. ورغم إن دى حاجة شكلها جميل وشيك وحلو من بره، لكن الطفل ده بيعمل كده على حساب نفسه، وبيكتم جواه لسنوات طويلة مشاعر انسانية كتير جداً، هى من حقه، لكن وصله إنه مش مسموح ليه يعبر عنها، مشاعر زى الكره والغضب والملل والاشمئزار والرفض.. الطفل ده اتعلم انه مايعبرش عن مشاعره الحقيقة علشان يتجنب المشاكل اللى ممكن تحصل ليه أو تحصل بسببه (كما صور له من حوله).. الطفل ده أهله حملوه مسئولية هو أصلاً مالهوش علاقة بيها.. وهى إن اللى حواليه (ابتداء بيهم طبعاً) يبقوا راضيين ومبسوطين.. وإذا ماحصلش ده.. يتحمل هو الذنب، والعقاب طبعاً.. صديقى العزيز.. صديقتى الغالية.. من حقك تعبر عن اللى جواك كما هو.. من حقك تظهر ما بداخلك كما هو.. من حقك تحب أو تكره، من حقك تفرح أو تحزن، من حقك تزهق أو تمل، من حقك توافق أو ترفض.. من حقك ترسم على وشك نفس اللى محفور جواك.. ومن حقك كل ده يبان فى كلامك وتصرفاتك وتعبيراتك.. يو دونت هاف تو بى سو نايس.. 
|
|
14 - 01 - 2017, 12:31 PM
|
رقم المشاركة : ( 2 ) | ||||
|
† Admin Woman †
|
رد: يو دونت هاف تو بى سو نايس..
مشاركة جميلة جدا ربنا يبارك حياتك |
||||
|
|
|
14 - 01 - 2017, 01:23 PM
|
رقم المشاركة : ( 3 ) | ||||
|
..::| الاشراف العام |::..
|
رد: يو دونت هاف تو بى سو نايس..
ميرسى لمرورك الغالى
 |
||||
|
|
|
22 - 01 - 2017, 09:14 AM
|
رقم المشاركة : ( 5 ) | ||||
|
..::| الاشراف العام |::..
|
رد: يو دونت هاف تو بى سو نايس..
ميرسى لمرورك الغالى
|
||||
|
|
|
22 - 01 - 2017, 11:50 PM
|
رقم المشاركة : ( 6 ) | ||||
|
..::| مشرفة |::..
|
رد: يو دونت هاف تو بى سو نايس..
اكثر من رائعة
|
||||
|
|
|
23 - 01 - 2017, 06:46 AM
|
رقم المشاركة : ( 7 ) | ||||
|
..::| الإدارة العامة |::..
|
رد: يو دونت هاف تو بى سو نايس..
ميرسي على مشاركتك الجميلة رينا
|
||||
|
|
|
23 - 01 - 2017, 12:59 PM
|
رقم المشاركة : ( 8 ) | ||||
|
..::| الاشراف العام |::..
|
رد: يو دونت هاف تو بى سو نايس..
ميرسى لمروركم الغالى
|
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| خلفية موبايل| القديس واخس |
| ناحَ النَّبيذُ وذَبُلَ الكَرْم |
| «كل وادٍ يمتلئ» |
| شعور واحش قوى |
| الشهيد واخس |
العرض العادي
