لعنه الام الشاطره

[Rena Jesus]

لعنه الام الشاطره

الام دي من اكتر الامهات اللي ببقي نفسي اريحها ليه بقي
1- عندها لباقه كده كل كلمه ليها رد وكل ماابنها يحصل معاه حاجه تحس بالمسئولية وتلقيها تديله روشته وش وضهر يعمل ايه وميعملش ايه وطبعا الولد بيطلع منها بانطباع واحد ماما بتعرف وانا مش بعرف

2- القانون عندها لازم ياخد مجراه مفيش حد ممكن يفلت بعملته ابدا احسن تتكرر ومحدش عارف لحد دلوقتي ايه مشكله انها تتكرر دي مهي بتكرر علي فكره سيبي يفلت بعملته وقت ماانتو الاتنين علي اخركم ومعاكي اى وقت تاني تحكيله قصه او تقري معاه كتاب بس يكون وقت مناسب

3- اى حاجه ابنها بيحكيها لها لازم تديله حلول او تحلله الموقف ده لو رايقه طبعا لو مش رايقه هتديله امر واحد امر من النوع اللي الطفل عارف فيه هيحصله ايه كويس لو معملوش تلاقيه جري وعمله في ساعاتها من غير تفكير ومتعلمش منه اى حاجه

4- بتتكلم اكتر ما بتعمل وترجع تلوم علي ابنها انه بيقول كلام ومفيش فعل برضه ويوم ما تعمل لازم تتبعه بالجمله الشهيره يلا عشان اخلص ولا اكنها كده اقنعت ابنها ان محاولته فشلت بنجاح

طب تعمل ايه الام الشاطره اللي عارفه كل حاجه ولازم تقنع ولادها باللي هي شيفاه صح تتعلم
Active listening
1- تسمع ابنها وهي بصاله وبكامل اهتمام
2- متقاطعهوش خالص وتقول عبارات تدل علي انها متابعه زى اممم ااه ياااه ياخبر
3- تجمع كل اللي ابنها حكاه وتقوله يعني انت تقصد كذا عشان تتاكد انها فهمت صح
4- تبتدي تطرح عليه اسئله تساعده علي التغكير في حل ولا تعلق علي الحل وتحكم عليه تناقشه هو شايف عواقب الحل ده ايه
6- لو هتديله معلومات تحسسه انها معلومات زى انا سمعت الموضوع ده بيحصل فعلا واسمه كذا انا ملاحظه ان الطريقه دي بتعقد اكتر ما بتحل انا مش حاسه انها احسن وسيله كله (انا) مفيش انت خالص دي وجهه نظرك
7- بعد ما يوصلوا لحل تقوله تعالي نجرب مش تحسسه ان ده حل سحرى وتقوله لو حسيت ان الحل ده محتاج تحسين او تعديل تعالي قولي

[walaa farouk]

ميرسي على مشاركتك الجميلة رينا

[nasser]

شكراً يا رينا على الموضوع المهم

[Rena Jesus]

ميرسى لمروركم الغالى

[Mary Naeem]

مشاركة جميلة جدا

ربنا يبارك حياتك

[Rena Jesus]

ميرسى لمرورك الغالى

[MenA M.G]

دائماً مُشاركاتَكْ رائْعة
موضوعك مُمَيز
ربنا يبارك خدمتك

[Rena Jesus]

ميرسى لمرورك الغالى