في فرق كبير بين love و in love ،،،
الموضوع بيبتدي لما لأول مرة تشوف حد و تعجب بيه و تعدي بكام مرحلة كدة و اخيرا تقرر تحبه ،
هنا انت بتحب فعلا Loving Someone
و ساعتها الموضوع يبقي بالنسبة لك مشاعر جميلة جدا صادرة من ناحيتك للشخص ده و يبقي كل طموحك أنه يحس بالمشاعر ديه و يستقبلها منك
و اللي لو حلصت الخطوة ديه تبقي In Love ،
فهنا في مشاعر متبادلة بينكوا انتوا الاتنين زي حالة من الرومانسية بتجمعكوا و انتوا موجودين فيها " In "..
لغاية كدة الاتنين في الحب مع بعض In Love بس ممكن يحصل حاجة تعمل مشكلة ...
هنا نرجع تاني للنقطة الأولي للحب المجرد او فكرة Loving Someone ,
فمش معني ان الحالة اللي بينكوا حصل فيها خلل أن خلاص بقي كل المشاعر الجميلة الرائعه تنتهي ,
انما الخلل في الاستقبال بس اما وجود المشاعر بنفسها فهو قائم بغض النظر عن اي حاجة ..
و من هنا جت نظرية " اللي بيحب حد مش بيعرف يكرهه "
فحتي و لو مش In Love معاه ، فهو بيـLoveـه
حاجة مهمة تانية .. في حب الشخص Loving Someone ،
سلوك الحب اللي بتقدمه بيكون مرهون عليك انت بس ,
يعني افكارك , شخصيتك , طموحاتك و ادراكاتك ..
كل حاجة فيك هي اللي بتشكل التعبير عن الحب ,
فمثلا لو انت خجول حيبقي حبك كدة , لو متهور برضة حبك حيبقي كدة ..
أما في الـ In Love لا ديه حالة جمعتكوا انتوا الاتنين و علي اساسها شكل الحب بيتغير ,
يعني لو شريكك في صفة معينة حتلاقيها طابعة علي شكل الحب ده ,
فلو مثلا انت بتتكلم كتير و شريكك العكس ,
حتلاقي شكل حبكوا مش شرط يعبر عنك بشكل واضح ...
فممكن توصل انك تلاقي نفسك في حالة حب مش بتعبر عنك خالص !! ...
و ده اللي بيخليك بتحب الشخص بس مش عارف تمارس معاه مشاعر الحب ديه !!
في النهاية , الشخص الذكي هو اللي يعرف يدرك هو واقف فين في علاقته مع اي حد ،
فالفروق الصغيرة ديه هي اللي بتبين الشخص اللي بيحب و بس عن الشخص اللي بيحب وفاهم يعني ايه حب ..
بتبين الشخص اللي مندفع ورا مشاعره و خلاص عن الشخص اللي بيبذل مجهود اضافي عشان يبلور مشاعره باكتر طريقة ناضجة و مناسبة ..
و الأهم ، انها بتبين الشخص اللي سامع عن الحب و عاوز يجربه .. عن الشخص اللي مستعد يخوض الحب كرحلة حياة بس بيدور علي الشريك اللي يستحق يشاركه الرحلة ..
cpd
