|
 |
 |
 |
|
رقم المشاركة : ( 1 )
14 - 12 - 2016, 05:23 PM
|
|||||||||||
|
|||||||||||
|
من الحاجات اللطيفة اللي قرأتها ان الشخص في حياته العملية تحديداً لازم يفرق بين ٤ حاجات:_ 1- hobbies 2- job 3- career 4- vocation الأولى مفهومة... هوايات الواحد بيعملها عشان يستمتع... عشان يثبت لنفسه انه مش إنسان آلي بيشتغل وبيعمل مسئولياته زي المكنة لحد ما يموت... هوايات مش شرط يكون فيها اي طموح.. مش عايز من وراها شهرة او فلوس او منصب.. هوايات للإستمتاع بالحياة التانية job او وظيفة... ومن إسمها كده هي شغلان معينة بتأدي وظيفة معينة وهي دفع الفواتير وتغطية المصاريف الحياتية وتلبية رغبات الحياة.. بالتالي -بعض الكتب شايفة- إن مش شرط تماما تكون الشغلانة دي بتشبعك نفسيا او حتى بتحبها.. هي حاجة بتصرف على حياتك لكن مش لازم تكون حياتك نفسها! عشان كده بنشوف الأجانب مثلا بيشتغلوا شغلانتين تلاتة ملهومش علاقة ببعض اصلا في نفس الوقت! التالتة ال career او المهنة اللي "بمنتهنها" ودي عبارة عن job that you are passionate about.. او الشغلانة بس مش بتاعت رقم 2.. الشغلانة اللي انت بتحبها بالتالي عايز تكبر فيها وتطور ومستعد تضحي عشانها بوقت زيادة او ظروف صعبة وعندك طموح وهكذا لإنها مش مجرد شغلانة بتصرف على نفسك منها... دي "مهنتك" ! بالتالي... لو مهنتك اللي مسحول فيها في الواقع وواخدة حياتك وطموحك وتفكيرك بتكرهها يبقى انت في الجحيم... انما لو بتكره الشغلانة (رقم 2) فعادي ممكن تكمل! وفي ناس كتير عندها job بس معندهاش career! رابع واحدة بقى مش لاقيه لها ترجمة عربي مناسبة بس هي ال calling بتاعك... هي الحاجة اللي اتخلقت عشان تعملها.. هي مراد ربنا منك.. هي دورك في قصة البشرية... هي أعلى حاجة بتدور في فلكها والحاجة اللي محدش يقدر ياخدها منك ولا يديهالك! ممكن حد يسرق شغلانتك.. يترقى مكانك إنما مايقدرش ياخد ال vocation بتاعتك منك! لأنها الحاجة اللي لما بتعرفها بتفضل تعملها طول ما انت بتتنفس أياً كان الطريقة المفتوحة لك واياً كان هيطلع منها نتيجة او مقابل ولا لا!" يعني مثلاً... في ناس عندها الكتابة مجرد هواية وقت الفراغ... وناس الكتابة بالنسبة لها شغلانة (واحد بيكتب حاجة في جرنال مثلا كمجرد وظيفة) وواحد الكتابة بالنسبة له مهنة عايز يتعلمها ويكبر فيها ويترقى والمقابل يزيد وواحد الكتابة بالنسبة له مش مجرد مهنة دي الحاجة اللي ربنا خلقه عشان يعملها وهيفضل يعملها حتى لو اتحال على المعاش او اترفد او الناس بطلت تقراله او الكتابة "كمهنة" انتهت بالنسبة له... هيفضل يكتب لحد ما يموت! مش شرط تتفق مع الكلام ده ميه في الميه بس فكر وحاول تفرق بين الاربع حاجات دول وتشوف انت واقف فين... وأذكى حد فينا هو اللي عرف يخلي الjob هو ال career هو ال vocation في حياته لأنه في الحالة دي هيعيش حياته كلها في شغف ولعب وهيكبر في شغله ويتعب ويصرف على نفسه وينفع الناس حواليه وهو مبسوط 
|
|
14 - 12 - 2016, 05:54 PM
|
رقم المشاركة : ( 2 ) | ||||
|
† Admin Woman †
|
رد: حاول تفرق بين الاربع حاجات دول
ربنا يبارك حياتك |
||||
|
|
|
14 - 12 - 2016, 06:24 PM
|
رقم المشاركة : ( 3 ) | ||||
|
..::| الإدارة العامة |::..
|
رد: حاول تفرق بين الاربع حاجات دول
ميرسي على مشاركتك الجميلة
|
||||
|
|
|
15 - 12 - 2016, 12:43 PM
|
رقم المشاركة : ( 4 ) | ||||
|
..::| الاشراف العام |::..
|
رد: حاول تفرق بين الاربع حاجات دول
ميرسى لمروركم الغالى
 |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| قصة القيامة في البشائر الاربع |
| الاربع والعشرين قسيسا حول العرش |
| حاول تفرق بين "الچنتلة" و "النحنحة" |
| الاربع حيوانات الغير متجسدة |
| الاقبال يوم الاربع |
العرض العادي
