عايز تستفيد من ❤ تسبحة كيهك ❤ صح ..

[walaa farouk]

عايز تستفيد من ❤ تسبحة كيهك ❤ صح ..
حط فى بالك الكلمتين دول .. وأوعى يضيع منك الهدف ‼

فى التسبحة ملناش طلبات .. كأننى بقول لربنا طلبى الوحيد انى اقعد معاك ، نمدحه ، نسبحه ، نفرح بيه ، نتأمل فى حلاوة ربنا وقدرته وعظمته

كل كلمة وكل نغمة، نقدمها ذبيحة حب لربنا يسوع المسيح، طول التسبحة نقوله "إحنا بنحبك ❤"

إعرف هدف كل جزء فى ✈ رحلة التسبحة .......

تين ثينو :
ننادى بنى النور المستعدين ليتمتعوا معنا بعريسنا السماوى

الهوس 1⃣ (تسبحة النصرة) :
كما خلص الله بنى إسرائيل من عبودية فرعون بعبور البحر الأحمر .. إلهنا إله المستحيلات والمعجزات يخلصنا من الخطية وعبودية الشيطان.

الهوس 2⃣ (الشكر):
خلصتنا يارب ، فأنت تستاهل الشكر لأنك صالح وخير « لأن إلى الأبد رحمته »

الهوس 3⃣ (تسبحة الثلاثة فتية فى أتون النار) :
يمثل انتصار الإنسان على نفسه فى قبوله الألم والتجارب بفرح « لأنه بضيقات كثيرة ينبغى أن ندخل ملكوت السموات » ، الحان كثيرة وطويلة وكأن الكنيسة دخلت الهوس الثالث وبالرغم من الضيقات الكثيرة مش عايزه تخرج منه ، بالرغم من الضيقات والآلام فقد رأينا الله بعيوننا وتلامسنا معه عن قرب

مجمع التسبحة والذكصولوجيات :
لنا سحابة من القديسين تشفع فينا، تشجعنا وتسندنا

الهوس 4⃣ :
الإنسان يدعو كل الخليقة ليؤلف منها فريقاً روحانياً لتمجيد الخالق الرب الاله، الكل يهتف بصوت واحد "الليلويا"

الإبصالية :
وصلنا قدس الأقداس، فنحن أمام ربنا شخصياً ... نسبح ونتأمل فى إسم ربنا يسوع المسيح له المجد

الثيؤطوكية :
شرح للتجسد والفداء فى قطع تمجيد لأمنا العذراء والدة الإله

ختام التسبحة :
يمثل المجئ الثانى "عند ظهورك الثانى المخوف لا نسمع برعدة اننى لست اعرفكم"

نتقابل مع المسيح فيدخلنا الأبدية السعيدة فى "القداس الإلهى"
فإحرص أن تصلى القداس ولا تكتفى بالتسبحة.

التسبيح هو عمل السمائيين 　
والتسبحة الكيهكية الناجحة هى التى تتحول فيها الكنيسة إلى قطعة من السماء

التسبحة ترفعنا للسماء ... كل كيهك وانتم طيبين ،،

[Mary Naeem]

ربنا يبارك حياتك

[walaa farouk]

ميرسي على مرورك الغالى مارى

[Rena Jesus]

ميرسى ربنا يبارك تعب محبتك وخدمتك

[walaa farouk]

ميرسي على مرورك الغالى رينا