قالت الفنانة هالة صدقي، تعليقا على دورها في فيلم "يوم للستات"، إن المرأة المصرية "غلبانة" ولم تأخذ حقوقها كاملة في المجتمع المصري، واليوم هي من تعول الأسرة.
وأضافت "هالة"، في مداخلة هاتفية مع برنامج "العاشرة مساء" المذاع على قناة "دريم"، إن زي المرأة المصرية اتخطف واتسرق، والعباءة ليس زي السيدة المصرية، وتمت سرقة الهوية المصرية بعد السفر إلى دول الخليج والسعودية، منذ السبعينيات، واتشبهنا بالخليج ولبسنا زيهم، واتفرض علينا النقاب والحجاب، واتحرمنا من زينا الفلاحي ولبس اسكندرية اللي كله دلع وجمال، وحشمة في نفس الوقت".
وتابعت: "مش لازم عشان أكون محترمة أبقى لابسة زي العسكري، دا ملهوش علاقة، لكن للأسف الهوية اتسرقت، هويتنا بتضيع أو اتمحت، الزي دا مش زينا، مش إحنا، دي حاجة دخيلة علينا، فين جمال وطعم وهوية المصريين".
نقلا عن بوابه القاهرة
