|
 |
 |
 |
|
رقم المشاركة : ( 1 )
16 - 11 - 2016, 09:36 PM
|
|||||||||||
|
|||||||||||
|
لو قريت الكلام دا هتكتشف انك اللى كاتبه وماضى عليه ----------------------------------------------------------------- شوف يارب.. خاطي و دي عارفينها بس لازم اقولك اني بخطي علشان ضعيف و قليل الحيلة يعني مش عند ليك و لا قلة حب... لا خالص.. الحكاية كل ما اجي اقف اتكعبل و اقع في خطيتي و استسلم للحية اللي بتغويني بكل حيلة و حيلة بس انا ابنك و انا عارف غلاوتي عندك اصلي انا اب و عارف ان بناتي قلبي و ديما اقول عليهم..يا ناس دول الحيلة اه انا في الحقيقة مش بشرفك.. ابن عاق و لون كده بميت وش و خايب.. عايب.. هي دي الحصيلة بس ارجع بالليل قلبي يوجعني اني المتك بنجاستي و شري.. اعتذر لك.. و اقولك اني عاوز اكون ابنك.. و دموعي تنزل علي خدي زي كل ليلة اصحي متفائل.. اوعدك.. بص يارب ححاول... شوية و دي بصة ودي مصلحة خالصة و دي لفة و دي كدبة و دي ادانة و دي رشوة بخفة و دي كلمة ابيحة و دي فضيحة و...و هوووب اتوسخت هدومي من تاني... نيلة قولي انت بقي الحل.. اصلها كده بجد يايسوع عارف..بصراحة بقت خل!!! بس حقولك ايه مش بالقصد صدقني.. دي طبيعتي الخاطية و نفسي اللي كيفها ما تتحررش و تفضل في الاسر ذليلة اصلها ما دقتش حلاوتك و لا نضافة اكلك.. و كسرة خبزك.. كل اللي فالحة فيه تشم من بعيد من غير ماتدوق.. و تتفذلك و تتفلسف و تقول عارفة عارفة.... شكلها حاجة حرشة او بليلة بس علي فكرة لو بنتي بتغلط مش حطردها بره البيت يعني.. و لا حتنصل من بنوتها.. حساعدها.. ححوطها... حصاحبها و اشوف ايه اللي في حياتها كاسرها ماهو كل شمشون ليه دليلة بقولك كده علشان ما تفرطش فيا..ده انت املي الباقي و اللي ليا.. عايش علي حس لص يمين سرق الملكوت و لا اللي بكلمة منك نزل م الشجرة قبل ما تعدي و تفوت.. و اللي غسلت رجلك و سامحتها و اللي زنت ما رجمتها.. و الدرهم المفقود و الابن الضال اخر العنقود.. و سامرية و مجدلية.. دي قصص خيالية يعني و لا حصلت بجد!!!! يعني برضك نفوس غلبانة زيي.. ضئيلة بس انت كنت بطل القصة.. قبلت الكل.. يمكن بعتاب و همسة.. يمكن بلمسة.. ما استحتش من خاطية و لا من خاطي انك تقول عليه ابني حتي لو نفسه و روحه عليلة ما انت الفادي و دمك يغطي.. و روحك يهدي.. و برك يغسل وساختي و تخليني ابيض زي سحابة.. او قطن مزهر في الحقول كده و مزهزه.. طويل التيلة بص... حلي في ايدك.. ايوة صدقني.. حلي مش عندي..انا مجربني.. تعجني من تاني حتي لو شديت ودني.. بس مش تشد اوي!!!! انت حنين مش حتخليني اكمل جملتي.. راح تحط خاتم في صباعي و ترجعلي هدمتي.. و تيجي ملايكتك و كنيستك تفرح باللي زيي يتوب و يرجع مع انك انت اللي متوبني.. و بايدك بترجعني واحد م العيلة 
|
|
17 - 11 - 2016, 07:54 AM
|
رقم المشاركة : ( 3 ) | ||||
|
..::| الاشراف العام |::..
|
رد: رجعنى واحد من العيلة
رووووووووووووووعه ميرسى ربنا يفرح قلبك ويبارك تعب محبتك |
||||
|
|
|
17 - 11 - 2016, 11:32 AM
|
رقم المشاركة : ( 4 ) | ||||
|
† Admin Woman †
|
رد: رجعنى واحد من العيلة
مشاركة جميلة جدا ربنا يبارك حياتك |
||||
|
|
|
17 - 11 - 2016, 12:26 PM
|
رقم المشاركة : ( 5 ) | ||||
|
..::| الإدارة العامة |::..
|
رد: رجعنى واحد من العيلة
اوفا
رينا مارى ميرسي كتير على مروركم الغالى |
||||
|
|
 |
| أدوات الموضوع | |
| انواع عرض الموضوع | |
|
العرض العادي
