|
 |
 |
 |
|
رقم المشاركة : ( 1 )
28 - 10 - 2016, 11:15 AM
|
|||||||||||
|
|||||||||||
|
كل ست قبل الجواز عدى عليها راجل ساب وردة أو فردة جزمة على قلبها ، لكن عدت الذكرى فى الحالتين وعاشت، لكن فى الجواز الست بترتبط بالراجل بعقلها ومشاعرها بطريقة أعمق غير قابلة للتطنيش. يبدو لى السؤال اللى محير الرجالة على كوكب الارض " ماذا تريد المرأة ؟ " سؤال سهل ولايختلف كثيرا من ست لست، وعلشان أعمل الكتالوج اللى ممكن ابراهيم - ممثلا عن اقرانه من الرجال – يقروه ويراجعوا علاقتهم مع الست الغضبانة وهو على لسانه جملة يتيمة " أنا مش فاهم أنتى عايزة ايه؟ " .. كتبت على صفحتى الفيسبوكية السؤال .. ياترى كل ست عايزة من ابراهيم بتاعها ايه ؟ وتلك اجابات البشر .. _ فى ستات طالبت بابراهيم نفسه وأخريات طالبن باختفاء ابراهيم تماما من الحياة !! .. وبين ست عايزة وجود الراجل فى حياتها وست عايزاه يسيبها فى حالها فى ستات عايشة مكملة وعندهم طلبات تانية .. _ التقدير.. آفة العلاقة، مينكدش على الست غير أنها شايلة الهم بين الشغل والبيت والعيال ويجى يقولها وأنتى بتعملى ايه زيادة عن كل الستات، أنت مش مدير البيت وأنا هنا مش موظفة وبتتحاسب وبتتراقب على كل تصرف، قدر مجهودى يا ابراهيم. _عايزة أحس أنه صاحبى، نتكلم سوا ونتجنن سوا، اقدراحكيله أى حاجة مفرحانى أو مخوفانى من غير ما أبقى خايفة من رد فعله، نفسى يفهمنى مرة، زهقت من كتر الخناق مش فاهمين بعض، أنا هعرف أخرج مع صحباتى وأشترى لنفسى ورد، بس الحياة محتاجة شوية طبطبة يا ابراهيم. _ أنا حاسة أنى أم وبس، كل الايام شبه بعض، أبوس ايديك شوية تغيير مفيش فسح أو خروجات لازم نبقى عند أهلنا أو مع أصحابنا ومعانا العيال، أنا نسيت شكل نفسى وأنا خارجة خروجة حلوة من بتوع زمان، شوية مشاعر هنعجز بدرى، تعال نسافر لوحدنا،عايزة اسمع كلام حلو، نفسى أروح سينما يا ابراهيم. _ واعترفت أحداهن: انا جوزى فضلت اتحايل عليه سبع سنين يشتريلى ورد، وهو يتريق لما تموتى هجيبلك ورد وأزورك، وبعد ما خلعته فى أول عيد ميلاد بعتلى ورد، ليه بتفهم متأخر أوى يا ابراهيم !! مفيش ست طلبت أكتر من التقدير، ونس الطبطبة على أحداث يومها، كسرالروتين .. ثلاثة مطالب عادلة .. ايكش تفهم قبل ما تندم يا استاذ ابراهيم. cpd 
|
|
28 - 10 - 2016, 11:36 AM
|
رقم المشاركة : ( 2 ) | ||||
|
..::| الإدارة العامة |::..
|
رد: من الأخر الستات عاوزه ايه؟؟؟
ميرسي على مشاركتك الجميلة
|
||||
|
|
|
28 - 10 - 2016, 12:53 PM
|
رقم المشاركة : ( 3 ) | ||||
|
† Admin Woman †
|
رد: من الأخر الستات عاوزه ايه؟؟؟
مشاركة جميلة جدا ربنا يبارك حياتك |
||||
|
|
|
30 - 10 - 2016, 10:13 AM
|
رقم المشاركة : ( 4 ) | ||||
|
..::| الاشراف العام |::..
|
رد: من الأخر الستات عاوزه ايه؟؟؟
ميرسى لمروركم الغالى
 |
||||
|
|
|
18 - 05 - 2017, 07:03 AM
|
رقم المشاركة : ( 6 ) | ||||
|
..::| الاشراف العام |::..
|
رد: من الأخر الستات عاوزه ايه؟؟؟
ميرسى لمرورك الغالى
|
||||
|
|
 |
| أدوات الموضوع | |
| انواع عرض الموضوع | |
|
العرض العادي
