|
 |
 |
 |
|
رقم المشاركة : ( 1 )
24 - 10 - 2016, 07:26 PM
|
|||||||||||
|
|||||||||||
|
" جت م الغريب وما جتش منك " ! أكيد دلوقتي جه في دماغك حد معين قلت له المَثَل ده قبل كده! تفتكر يسوع ممكن يقول كده لمين؟! ورا كل صورة هتلاقي القصة بتاعتها،  السامرية (يوحنا 3) الست دى خرجت علشان تملأ مايه من البير فى عز الضهر ؟! علشان مكانتش عايزة حد يشوفها ولا يتكلم معاها لان كل الناس كانت عارفة انهاست وحشة وخاطية والغريب بقى ان يسوع كان موجود عند البير مستنيها وبرغم أنها من جنس مختلف عن جنس اليهود (السامريين أعداء اليهود ) الا انه وقف وأتكلم معاها وكانت كل مشكلتها أنها محتاجة تشرب يسوع مش بس روى عطشها الجسدى لكن كمان العطش الروحى والنفسى العطش للحب والاهتمام والقبول أداها ماء الحياة من يشرب من هذا الماء فلن يعطش إلى الأبد وكانت المفاجأة الست إللى طلعت تستخبى من الناس وتملأ مايه فى عز الضهر دخلت المدينة قدام كل الناس وقالت لهم عن يسوع وأنه هو المسيا إللى هما كانوا مستنينه وأنه غيرها رغم انها مش من جنس اليهود لكن اختارت تمجد ربنا بكلامها  العشرة البرص (لوقا 17) شريعة الرجل الأبرص فى العهد القديم أنه لازم يخرج يسكن بره المدينة وهدومة تكون مشقوقة وراسة مكشوفة ويغطى شنبه ويمشى وينادى نجس...نجس علشان محدش يقرب منه وفى الحادثة بتاعتنا دى يسوع وهو ماشى رايح أورشليم عدى على السامرة فقابله 10رجال كانوا مصابين بالبرص ورفعوا صوتهم ونادوا عليه يا يسوع يا معلم ارحمنا بصلهم يسوع وقالهم روحوا وخلى الكهنه تشوفكوا وهما ماشين كانت المفاجاة أنهم خفوا من مرضهم ..جه واحد منهم قرر يرجع يشكر يسوع على المعجزة إللى عملها معاه وعلى شفائه ليه والغريب أنه كان سامرى راجل غريب عن جنس اليهود والتسعة التانيين مع أنهم كانوا من اليهود من نفس الفكر بتاع الرب يسوع الا أنهم اخدوا الشفاء والمعجزة إللى حصلت معاهم ومشيوا وكان سؤال الرب الغريب هو ما فيش حد رجع يدى المجد لله غير الراجل الغريب ده والرب يسوع قاله كمان أمضى ايمانك قد خلصك ردود الفعل بين القصتين كانت مختلفة السامرية والراجل السامرى رغم أنهم أغراب مش من جنس اليهود الا أنهم قدروا إللى يسوع عمله معاهم ورجعوا يشكروه ويمجدوه غير التسعة اليهود إللى اتشفوا ومشيوا 
|
|
24 - 10 - 2016, 07:33 PM
|
رقم المشاركة : ( 2 ) | ||||
|
..::| الاشراف العام |::..
|
رد: جت م الغريب وماجتش منك
ميرسى ربنا يبارك تعب محبتك
|
||||
|
|
|
24 - 10 - 2016, 08:21 PM
|
رقم المشاركة : ( 3 ) | ||||
|
..::| الإدارة العامة |::..
|
رد: جت م الغريب وماجتش منك
ميرسي على مرورك الغالى رينا
|
||||
|
|
|
25 - 10 - 2016, 11:56 AM
|
رقم المشاركة : ( 5 ) | ||||
|
† Admin Woman †
|
رد: جت م الغريب وماجتش منك
موضوع مميز شكرا يا لولو |
||||
|
|
|
25 - 10 - 2016, 05:08 PM
|
رقم المشاركة : ( 6 ) | ||||
|
..::| الإدارة العامة |::..
|
رد: جت م الغريب وماجتش منك
اوفا
مارى ميرسي كتير على مروركم الغالى ميرسي يا مرمر لتمييز الموضوع |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| ولادةُ طفل المغارة ولادةُ رجاءٍ وأمل |
| ولادةٍ يتعذَّر وصفها قد عُرِفا فيكِ حقّاً يا دائمة البتولية |
| الغريب |
| الغريب......... |
| انا جيت وماجتش |
العرض العادي
