كبّرت وعرفت

[Rena Jesus]

كبّرت وعرفت إني مش شرط علشان بعامل الناس حلو ف هتعامل حلو ،
وإني لما أحب هتحبّ بنفس المقدار ،

كبرت وعرفت إن كل واحد مينفعش يستني المستحيل وهو معملش حتيّ المُمكن ،

كبرت وعرفت إن العلاقة مبتستمرش مع طرف مش حابب انها تستمر ومبيعملش اللي عليه ،

كبرت وعرفت إن الكلام ساعة الخناق بيزود المشكلة الضِعف ،

كبرت وعرفت إن مش شرط علشان وعد هيوفي ،

كبرت وعرفت إني مينفعش أبقي حد تاني غيري ، ومينفعش يبقي جوايا كلام ومقولهوش في لحظتها ،

كبرت وعرفت إن محدش بيتأذي في الزعل غيري ،

كبرت وعرفت إن الكلمة الحلوة بتعمل كتير ، وإن الزعل ممكن يهّون لو معاك ،

كبّرت وعرفت إنه مينفعش أوقف حياتي علي حاجة ولا علي حد ، وإن اللي معايا النهاردة بكرة ممكن منعرفش بعض تاني من غير سبب ،

كبّرت وعرفت إن لازم نبعد عن الزحمة ، ومعرفتنا تبقي ب عدد قليل ، وننقيهم كويس .. كويس جداً ،

كبرت وعرفت إني مينفعش أنبهر من أول قاعدة ولا من أول كلمة ،

كبرت وعرفت إني لازم أقفل علي قلبّي ومدخلش الا اللي احس إنه هيخاف عليا ضعف خوفي علي نفسي ، وإن الضربة اللي بتكسر وبتطول بتقوي وبتطلعني واحدة تانية .. قوية - صابرة - قريبة اكتر لربنا - مفلترة ناسها ،


كبّرت وإستحملت وعرفت إنه مينفعش أرضي بالقليل ، وإني اعاتب في الوقت اللي أحس فيه أني محتاجة أعاتب ،

كبرت ولسه هكبّر ولسه هعرف إني لازم أتعلم ومزعلش !

[MenA M.G]

دائماً مُشاركاتَكْ رائْعة
موضوعك مُمَيز
ربنا يبارك خدمتك

[walaa farouk]

ميرسي على مشاركتك الجميلة

[Rena Jesus]

ميرسى لمروركم الغالى