|
 |
 |
 |
|
رقم المشاركة : ( 1 )
06 - 10 - 2016, 08:14 AM
|
|||||||||||
|
|||||||||||
|
أكيـــد بتزهق من عياط ابنك الكتيــر بصورة مستمرة ... بس هو هيزودها ... ببســاطة لأنه مش بيلاقي رد فعل ! حتى لو زعقت و عنـفتـه ... مش هيجيب نتيجة ! الطفل بيبقى مستني رد ، ولو محصلش على رد إيجابي هيستخدم الطريقة السلبية "العياط والزن" و ( هديك حلاوة لو خلصت طبقك ) مش هتجيب نتيجة معاه بعد كــده ... ممكن ... تديك حل او "هدنة" مؤقتة بس الوضع مش هيدوم ! ▬▬▬▬▬▬▬▬▬▬▬▬▬▬▬▬  بس لحسن الحظ إنت ممكن تحل الأزمة دي ، عن طريق تشجيعه مش تعنيفه ، لما تبطل تتعصب لما هو يعيط ... فـ Jan Nelsen مؤلف ( Positive Discipline for Preschoolers ) الإنضباط الإيجابي لمرحلة ما قبل الدراسة ... بيقول "في البداية فكرة "laissez-faire" (بمعنى سيب ابنك يعيط "بالمصري متعبروش") كانت غير واقعية بالمرة ، بس لأن بنتي كانت متخصصة عياط قررت أحاول أطبق النظيرية دي ... في الأول الموضوع مكنش سهل ، وكنت كتير على وشك إني ازعقلها و أشخط فيها بس كنت بتحكم في نفسي ... وخلال أسابيع إندهشت لما لقيت "إليزابيث" بتطلب مني الحاجة بأدب من غير عياط و تنطيط !! عشان كده عمل 4 نصايح لو عملتها توصل بيها للنتيجة دي !! ▬▬▬▬▬▬▬▬▬▬▬▬▬▬▬▬ 1- ارفض فكــرة ان الموضوع يزعجك ... في وقت هادي كلم ابنك و عرفه طول ما هو بيبعيط مش هيلاقي منك رد أبدا ومن ساعتها إبدأ نفذ ، لما يعيط خلي تعبيرات وشك طبيعية جدا كأن مفيش حاجة ، وممكن تكلمه بهدوء جدا "إنا مش بفهم إنت عاوز ايه وإنت بتعيط ، ممكن تطلب اللي انت عاوزه بصوت طبيعي هادي عشان أفهم" ... وخليه يختار هو علامه إنت تعملها لما تكون مش عاوز تسمع هو بيقول ايه "انك تشد ودنك مثلا أو تغطيها" عشان يعرف انك مش هتسمع هو هيقول ايه طول ما هو بيعيط ... وكل ده بطريقة هادية وتعبيرات طبيعية جدا. 2 - عرف ابنك يعني إيه يطلب بلطف ... لأنه ممكن ميكونش فاهم إنه عياطه ده غلط ... لازم تعرفه الفرق بين العياط والطلب بأدب وهدوء ... مثلا "صوره فيديو وهو بيعيط ومبهدل الدنيا وفيديو تاني وهو بيطلب بأدب ووريهوله وانت بتعرفه انك عايز تفهمه الفرق بين الصح والغلط عشان يعرف ويحس بالذنب" لأننا دايما بنبقى فاكرين إنه عارف ان ده غلط وهو بيتعمد يعمله في حين إنه مش فاهم ... 3- اشكره و امدح فيه لما يطلب بأدب ... متخليهوش يحس إن العياط غلط بس ... لازم كمان تستخدم مشاعره الإيجابية ، لما يطلب بهدوء تشكره "الله يا مودي وإنت هادي شوف بتبقى حلو إزاي" ... "أنا بحب صوتك وهو هادي كده" ... اعترف قدامه ان الموضوع ده بيريحك ويحببك في تصرفاته. 4 - إثبت مــكانك ... يعني ! ... مش من أول محاولة تقول أنا حاولت و منفعش ... بعض الأطفال هتاخد وقت عشان تتعود و تعرف ... في أطفال هتاخد وقت أطول و أطفال هتاخد وقت أقل ... أهم حاجة تكمل لحد ما تلاقي نتيجة. ▬▬▬▬▬▬▬▬▬▬▬▬▬▬▬▬ للأسف ، لو محاولتش تقوم تصرفات ابنك وسلوكه وخصوصا العياط ... هيأثر على علاقته لما يكبر و هيطلع شخصية "بتتقمص" بســرعة و محدش بيحب يصاحب الناس اللي بتتقمص و بتزعل لو معملتهمش اللي عاوزينه ... قالت Borba مؤلفة (Parents Do Make a Difference) جملة حلوة أوي هي "Nobody likes to be around a whiny kid" لا أحد يحب أن يكون مع طفل متذمر 
|
|
06 - 10 - 2016, 09:51 AM
|
رقم المشاركة : ( 2 ) | |||
|
x Banned x
|
رد: هل تعلم ان البكاء يشعرهم بالقوه
مشاركة جميلة
|
|||
|
|
|
06 - 10 - 2016, 11:47 AM
|
رقم المشاركة : ( 3 ) | ||||
|
† Admin Woman †
|
رد: هل تعلم ان البكاء يشعرهم بالقوه
مشاركة جميلة جدا ربنا يبارك حياتك |
||||
|
|
|
06 - 10 - 2016, 03:15 PM
|
رقم المشاركة : ( 4 ) | ||||
|
..::| الاشراف العام |::..
|
رد: هل تعلم ان البكاء يشعرهم بالقوه
ميرسى لمروركم الغالى  |
||||
|
|
|
07 - 10 - 2016, 02:34 PM
|
رقم المشاركة : ( 6 ) | ||||
|
..::| الاشراف العام |::..
|
رد: هل تعلم ان البكاء يشعرهم بالقوه
ميرسى لمرورك الغالى
|
||||
|
|
|
07 - 10 - 2016, 07:59 PM
|
رقم المشاركة : ( 7 ) | ||||
|
..::| الإدارة العامة |::..
|
رد: هل تعلم ان البكاء يشعرهم بالقوه
ميرسي على مشاركتك الجميلة
|
||||
|
|
|
08 - 10 - 2016, 06:21 AM
|
رقم المشاركة : ( 8 ) | ||||
|
..::| الاشراف العام |::..
|
رد: هل تعلم ان البكاء يشعرهم بالقوه
ميرسى لمرورك الغالى
|
||||
|
|
 |
| أدوات الموضوع | |
| انواع عرض الموضوع | |
|
العرض العادي
