|
 |
 |
 |
|
رقم المشاركة : ( 1 )
26 - 09 - 2016, 06:47 PM
|
|||||||||||
|
|||||||||||
|
- ابني فين؟ - انت مين؟ - أبقى أبوه - اسمك ايه؟ - اسمي ضيف عبد السلام -وابنك؟ -اسمه : طه ضيف عبدالسلام - حد قالك جثة ابنك نمرة كام؟ - جثة ابني؟ هو مات؟ -لحظة أشوف ..... جثة ابنك نمرة 7 في الكشوف - هو فين ؟ بس أشوفه ... مستحيل يبقى ابني مات - هاتلو يا ابني نمرة ( 7 رشيد.رفات) - هو طه ؟... هو طه! لأ يا طه ازاي تموت ... اصحى يا ابني ... متجاوبنيش بالسكوت دا انت تحويشتي اللي كنت شايلها لوقت صعب ... دا انت نن عنيا يا ابني ... الصبر من عندك يا رب! فيها ايه لو كنت يا ابني طاوعت ابوك؟ فيها ايه لو كنت عشت ولو هانوك؟ فيها ايه لو كنت مش لاقي القليل ما احنا عايشين زي ما الناس عايشة يا ابني في ليل طويل قلت: نفسي أعيش يا حاج في أرض حرة أرض تطرح زرعها مش أرض مُرة وغلبت ابوك وامك يا طه بالكلام دا اللي خدناه م العَلامْ قلتلي اصبر كلها كام يوم في غربة تعمل القرشين وترجع من أوروبة شيلت شنطة هدمتك ومشيت وراك ازاي يا ضيف تبعت لبحر الموت ضناك؟ قوم يا طه ... مش عشاني ... طب عشان أمك دي لو عرفت ... تموت هي قالت مركبة طه اللي غرقت؟ قلت لأ .. مركبة طه في أمان طه عدى من زمان .. دا تلاقيه دلوقت شغال في اليونان -هاتو تلج لجثة سبعة -اسمه طه يا باش شاويش اسمه طه إلهي أولادك تعيش -طيب امضي واستلم وادفن قوام .. -آني مبنعرفش نمضي - طيب اختم - ختم ايه ؟ هوّ انا حيلتي اللضى أختم عليه؟ - طيب ابصم واستلم وادفن بسرعة اللي بعده .... -أيوة يا ابني اسمك ايه؟ - ........ 
|
|
27 - 09 - 2016, 03:07 PM
|
رقم المشاركة : ( 3 ) | ||||
|
..::| مشرفة |::..
|
رد: - ابني فين؟
ميرسي على مشاركتك الجميلة
|
||||
|
|
 |
| أدوات الموضوع | |
| انواع عرض الموضوع | |
|
العرض العادي
