لازم تعرف نَفْسَك .. ولما تعرفها لازم تقبلها
نَفْسِي و نَفْسَك هي واحدة من خمس أنواع :
1- إما تكون نفس فقيرة وإمكانيتها ضعيفة ..!!
2- يا إما تكون نفس منسية من الناس ..!!
3- يا إما نفس مرفوضة ..!!
4- يا إما نفس مجروحة ومكسورة ..!!
5- ياإما نفس خاطية ..!!
+ خمس أنواع من النفوس
= ولازم أعرف أنا مين فيهم بالظبط ..!!
= ياتري أنا النفس الفقيرة اللي إمكانيتها ضعيفة ..؟!!
= ولاّ النفس المنسية .. ولا النفس المرفوضة ..؟!!
= ولا المجروحة المكسورة .. ولاّ النفس الخاطية ..؟!!
+ وياتري أنا نوع واحد .. ولا أكتر من نوع ..؟!!
= ولاّ أنا الخمس أنواع في بعض ..؟!!
= مهم جداً إن كل واحد وواحدة يعرف نفسة ..!!
= وبعد ما يعرفها يعمل إية ..؟!! يقبلها ويتصالح عليها ..!!
+ لكن أكتر حاجة تفرحني وتطمني ..!!
= إن ربنا يسوع ربح وقبل كل النفوس ..!!
= ربح وقبل كل الأنواع الخمسة دول ..!!
= حبهم و قبلهم وفرحهم ..!!
= تعالوا نشوف امثلة :
ــــــــــــــــ
+ زكا رئيس العشارين .. كان نفس مرفوضة ..!!
= لكن ربنا يسوع قبلة وربح نفسة ..!!
= ودخل بيتة وإتعشي معاة ..!!
= وبعد ما إتعشي معاة قالة :
= " الْيَوْمَ حَصَلَ خَلاَصٌ لِهَذَا الْبَيْتِ " ( لو 19 / 9 )
= اليوم حصل خلاص لهذه النفس المرفوضه ..!!
عشان كدة مهما كنت مرفوض من الناس ..!!
= إنت مقبول ومحبوب من ربنا يسوع ..!!
= إنت غالي أوي في عين ربنا يسوع ..!!
ربنا يسوع يقول لزكا :
= " يَا زَكَّا، أَسْرِعْ وَانْزِلْ ،
= لأَنَّهُ يَنْبَغِي أَنْ أَمْكُثَ الْيَوْمَ فِي بَيْتِكَ " ( لو 19 / 5 )
= إية ده يارب ..؟!! ح تسيب الجموع دي كلها
= وتيجي تقعد وتتعشي معايا ..؟!!
= آه .. ح أسيب الـ 99 عشانك ..!!
= ده نوع .. النفس المرفوضة ..!!
ـــــــــــــــــ
+ التلاميذ القديسين .. كانوا من النفوس الفقيرة
= اللي ماعندهومش إمكانيات ..!!
= كانوا شوية صيادين غلابة ..!!
= لا معاهم فلوس .. ولا معاهم شهادات ..!!
= ولا معاهم لغات ومدارس أجنبية ..!!
= ولا شكل ولا منظر ..!!
لكن ربنا يسوع ربحهم .. وقبلهم .. وإختارهم ..!!
= ويقول : " اخْتَارَ اللهُ جُهَّالَ الْعَالَمِ لِيُخْزِيَ الْحُكَمَاءَ
= وَاخْتَارَ اللهُ ضُعَفَاءَ الْعَالَمِ لِيُخْزِيَ الأَقْوِيَاءَ
= وَاخْتَارَ اللهُ أَدْنِيَاءَ الْعَالَمِ وَالْمُزْدَرَى
= وَغَيْرَ الْمَوْجُودِ لِيُبْطِلَ الْمَوْجُودَ " ( 1كو 1 / 27 )
ـــــــــــــــــــــ
+ المرأة نازفة الدم .. كانت من النفوس المنسية ..!!
= قعدت تنزف 12 سنة ..!!
= ولا حد حاسس بيها ..!!
= ولا حد فاكرها أو مهتم بيها ..!!
= لغاية لما جت ولمست هُدب توب المسيح ..!!
= وأول ما لمست هُدب توبة .. وقف النزيف ..!!
= وربنا يسوع وقف وقال : مين لمسني ..؟!!
= لأن فية قوة خرجت منه ..!!
= وكأنة عاوز يقول لهذه المرأة المنسية ..!!
= " هَلْ تَنْسَى الْمَرْأَةُ رَضِيعَهَا فَلاَ تَرْحَمَ ابْنَ بَطْنِهَا ؟
= حَتَّى هَؤُلاَءِ يَنْسِينَ وَأَنَا لاَ أَنْسَاكِ .
= هُوَذَا عَلَى كَفَّيَّ نَقَشْتُكِ.أَسْوَارُكِ أَمَامِي دَائِماً ."(أش 49 / 15 )
مش ممكن ربنا ينساني أبداً
= حتي لو الدنيا كلها نسيتني ..!!
= هو ما ينسانيش ابداً ..!!
ــــــــــــــــــــ
+ مريم المجدلية .. كانت نفس خاطية ..!!
= وكان عليها سبع شياطين ..!!
= لكن ربنا حررها .. وقبلها .. وغير حياتها وقلبها ..!!
= وحولها الي خادمة ومُبشرة بالقيامة ..!!
= يقولها : " اذْهَبِي إِلَى إِخْوَتِي وَقُولِي لَهُمْ:
= إِنِّي أَصْعَدُ إِلَى أَبِي وَأَبِيكُمْ وَإِلَهِي وَإِلَهِكُمْ».
= فَجَاءَتْ مَرْيَمُ الْمَجْدَلِيَّةُ
= وَأَخْبَرَتِ التَّلاَمِيذَ أَنَّهَا رَأَتِ الرَّبَّ" ( يو20/17)
نفس خاطية لكن المسيح قبلها وغيرها ..!!
= عشان كده أحلي لقب لربنا يسوع
= إنة رابح النفوس ..!!
= ربنا لا يمكن يخسر حد أبداً ..!!
= والإنسان المسيحي مفروض يكون زي ربنا يسوع ..!!
= يكون رابح للنفوس ..!!
= " فَإِنِّي إِذْ كُنْتُ حُرّاً مِنَ الْجَمِيعِ
= اسْتَعْبَدْتُ نَفْسِي لِلْجَمِيعِ لأَرْبَحَ الأَكْثَرِينَ ." ( 1كو 9 / 20 )
طول ما إنت ماشي في السكة دي
= يبقي إنت ماشي في طريق الإستشهاد ..!!
إحنا فاكرين إن الإستشهاد ده قرار ..؟!!
= لاء طبعا .. الإستشهاد حياة ..!!
= الإستشهاد بهجة قلب .. فخر لكل مسيحي ..!!
= رد فعل طبيعي للي المسيح بيعملة معانا ..!!
