7 نصايح إزاي تحطي أحمر الشفايف

[marit jesus]

إزاي تحفظي على شفايفك وتحصلي على شفايف نضره و شكلها طبيعي, وتستعملي أكتر لون أحمر شفايف لايق على لون بشرتك؟ تعالي معانا واتبعي ال7 نصايح دول:

1. بداية جديدة:
الشفايف زيها زي جلد البشره بتحتاج تنضيف وتجديد من فتره للتانية, عشان كده إنتي محتاجه تقشري الشفايف مرة واحدة أو مرتين في الأسبوع, استخدمي مزيج من الملح وزيت اللوز ودلكي بيهم شفايفك، وبعد كده اغسليها كويس واستعملي زبده كاكاو.

2- ابعدي عن أحمر الشفايف شديد اللمعه:
“اللمعه الزياده ممكن جدا تبان رخيصة”، عشان كده خبراء التجميل دايما بينصحوا بأستعمال أحمر الشفايف المات البعيد عن اللمعان تماما. واحلي لوك لما انعكاس الضوء يجي من شفايفك المترطبه والنضره وقتها اللمعه بتبان طبيعية.


- العثور على اللون المناسب:
الطريقة الأمثل لأختيار لون أحمر الشفايف إنه يكون لايق على لون شفايفك الطبيعي ومش على لون بشرتك, للون الشفايف الشاحب يفضل أحمر بلون الكرز أو الأحمر البطيخي, وللشفايف الحمرا الطبيعة ممكن تجربي الهوت بينك “الوردي الساخن” أوالبرتقالي أو التوت,و للشفايف الغامقه يليق الطوبي والعنابي ودرجات البني والبيج الفاتح.

4- لون ال nude:
لون ال nude أو البيج الفاتح لون موضة واحلي حاجة فيه إنه بيبقي بس لمعه مين غير مايبان إن إنتي حطه أي مكياج, وعشان تحصلي على احلي شكل ليه لازم تختاري اللون البيج يكون أكثر إشراقا أو أغمق من لون بشرتك حاجة بسيطه جدا. وال nude بيليق على كل ألوان البشره.
5- ابعدي عن اللوك الغامق:
الألوان زي الأزرق, البني الغامق أو حتى الأسود ده بيدي شكل ال vampire أو مصاصين الدماء! بيبنيك اكبر من سنك وشكلك مخيف. عشان كده حولي تبعدي عن اللوك ده.

6- ابدأي من المنتصف:
دايما ابدأي بوضع احمر الشفايف من المنتصف وبعد كده وزعيه على الأطراف

7- نشفي شفيفك :
عشان تخلي أحمر الشفايف يثبت لفتره طويلة لازم تنشفيه كويس بعد ما تحطيه باستعمال منديل ورق.