حاول تزود النقاط ف البنك

[Rena Jesus]

lمينا ربنا كرمه واتجوز مريم بعد فتره خطوبة لطيفه وجيمله
بعد الجواز مينا بدأ يلاحظ حاجه غريبة جدا ... بدأ يلاحظ ان كل فتره مريم بتيجى تقوله
( انت مش مهتم بيا ولا بتحبنى زى زمان !!!!)

حقيقة مينا كان بيحس باستغراب شديد للغايه لإنه يادوب لسه من يومين قايل لمريم ( انا بحبك أوي )
وكمان ده لسه من 23 يوم كان جايبلها ( فستان هديه بحوالى 625 جنيه )
فازاى كده لحقت تنسى بمنتهى السهوله
وفى لحظة واحدة مينا لقى نفسه متهم بالتقصير وانه مش بيحب مريم .
ـــــــــــــــــــــــــــ

مشكله أزليه ومتكرره موجوده في بيوت كتيره وبكل اسف
سببها أما تعرفوه هتلاقوه هايف جدا بس بسبب عدم وعينا بيه بقى يوقعنا فى مشاكل كتير جدا جدا
.....
بمنتهى البساطه مينا كان لازم يعرف إن مريم عندها بنك صغير بتتعامل من خلاله بنظام النقاط

يعنى ايه بقى ؟؟

لو مينا جاب لمريم (خاتم الماس قيمته 33400 جنيه ) فده بيتحسب عندها ( نقطه واحده ) !!!
ولو برضو جاب ( ورده بـجنيه وربع ) فبرضو هتتحسب عندها نقطه !!!

لو قالها ( بحبك ) فدى نقطه
ولو جابلها ( واحدة جالاكسى هديه ) فدي نقطه
ولو خدها ( واتفسحوا مع بعض ) فدي نقطه وهكذا بقى
ــــــــــــــ

المشكله ان مينا زى كل الرجاله دلوقتى بيحسبها بالعقل والمنطق والحسابات المجرده
( انا لوجبتلها فستان بــ 625جنيه فالمفروض ده تقعد تحبنى عليه مثلا شهر ونص )
ولذلك فهتلاقي نفسك بتستغرب جدا
أما تلاقي المفعول بتاع الفستان خلص بسرعه شديدة والاحتياج رجع زى ما كان
ـــــــــــــــــــــــــــ

الخلاصه بقى ايه

الخلاصه فى تعاملك مع خطيبتك أو زوجتك حاول بقدر المستطاع تزود النقاط اللي بتتحط في البنك بتاعها
هى مش بتهتم أوي بقيمة الحاجه بقدر ما بتهتم جدا جدا إن كل يوم تلاقى منك نقاط زيادة على هيئة
( كلمات حب - هدايا صغيره - رسالة موبايل - فسحه حلوة - كلمة حلوه - ورقة صغيره الصبح - لفته جميله تعملها معاها فى البيت ..... )
ــــــــــــــــــــــ
ربنا يرزقكم السعاده يارب

cpd

[Mary Naeem]

اهم حاجة الاهتمام

شكرا يا قمر

[ميرو]

رووووووووعه عجبني اوي

[Rena Jesus]

ميرسى لمروركم الغالى