انت مرتبط

[walaa farouk]

تعريف المرتبط!
عمرك فكرت فى انت تعرف( من هو المرتبط)؟
هل المرتبط ده معناة انه حد خطب و لبس دبل و يبقى كدة مرتبط؟
وله الحد الى بيحب و قالو : بحبك .. فا كدة يبقى مرتبط؟
وله الحد الى بيحب حد بس لسة مقلهوش حاجة و الطرف التانى ميعرفش؟
يعنى لو حد سألك دلوقتى.. انت او انتى مرتبطة وله لا.. هتقولى ايه؟؟
طيب خلونى اجاوب على السؤال ده علشان فيه البنات تحديدا تبقى عارفة موقعها ايه من الاعراب لو جالها عريس يتقدم و هى مش عارفة اذا كانت هى مرتبطة وله ايه الموضوع
خلونا كدة نتكلم منطق شوية.. لو حد ملبس دبل.. فا ده خلاص مرتبط بالثلث
طيب لو انت بتحب حد و قلتله انك بتحبة.. حضرتك كدة مرتبط بكلمة مع الطرف الاخر.. وده ملهوش علاقة خالص ان كانت اسرة الطرف التانى عارفة او لا..( ده ارتباط ضمنى شخصى منك للطرف التاني )
طيب لو انت او انتى بتحبى حد لكن من طرف واحد او الطرف التانى لسة ميعرفش..
ااااااه... هنا بقى ده مش اسمة ارتباط
كلمة ارتباط معناها بالبلدى كدة ( حاجة اتربطت بحاجة) يعنى فيه عنصرين فى الموضوع..
طيب لو انتى بتحبى حد من طرفك انتى بس..و هو ميعرفش.. وفى نفس الوقت جالك عرسات تتقدم... نعمل ايه بقى؟؟
بصى.. احنا فى مصر... احنا احسن ناس تلمح.. و فى نفس الوقت اغبى ناس مش بتفهم التلميح ( طبعا مش كل الناس )
علشان متضيعيش عمرك مع حد هو فاهم اهتمامك بية ( مجرد صداقة وانك شخصية ودودة) و مش شايف ده حب...فا وقتها حطى النقط على الحروف...بمعنى
يعنى يا تقولى للطرف التانى بشكل أو بأخر انه لية مكانة خاصة عندك
طيب نقولها ازاى دى بقى ..
فيه عبارات بتتقال فى وسط الكلام مع الطرف التانى زى :
- انت / انتى ليكى مكانة خاصة جدا عندى
- تعرف / تعرفى .. نفسى ارتبط بحد يكون فيه صفاتك دى بجد
- تعرف / تعرفى انك شخص مميز اوووى ؟؟
طبعا ....إلخ
المفروض ان الطرف التانى يفهم الكلام ده . بس مش هيفهم الكلام ده الا فى 3 حالات اساسية و هم :
الحالة الاولى : هى انه غبي... عادى يعنى.. هو مش شخص لماح.. لكن هو شخص من الى بيفهم الحقايق بشكلها الرسمى ..خبط لزق كده ( بحبك ياض) او ( بحب ابت) grin رمز تعبيري
الحالة التانية : انه يكون مش مستعد للإلتزام معاك او معاكى بالارتباط او مش جاهز ماديا او ما شابه
الحالة التالتة هى : انه شايفك اخته او شايفاك اخوها و مش بتحبك بس بتعزك فى اطار الصداقة فا الجمل الى بتتاق دى هتتفهم فى اطارها الى هو حاسة..مش الى انت او انتى تقصدية..
مهم اوووى نكون فاهمين احنا بنحب وله مبنحبش وله مرتبطين وله لا
علشان منجرحش بعض و كمان منضيعش عمرنا نحب فى حد قد يكون شايفنا غير ما احنا شايفينة او الاخطر من كدة.. اننا نتهم بالخيانة انك تكون بتستقبل كلام و تصرفات حب من حد بيحبك وانت مش بتحبة بس فاهمة غلط.. وفجاة تلاقيك ارتبطط ببنت تانية وهى لا.. فا بتشوفك ندل و خاين
ونفس الحالة تنطبق على البنت
نخلى بالنا

[محتاجه لايدك ياربى]

موضوع رائع بجد
ربنا يفرح قلبك

[Ramez5]

ميرسى على الموضوع الرائع

[Habeb Elraab]

ميرسى على الموضوع الرائع

[walaa farouk]

مارينا
رامز
ميلاد
ميرسي كتير على مروركم الغالى

[Mary Naeem]

مشاركة جميلة جدا

ربنا يبارك حياتك

[walaa farouk]

ميرسي على مرورك الغالى مارى

[Rena Jesus]

رووووووووووووووعه وموضوع مهم جدا
ميرسى ربنا يبارك تعب محبتك

[walaa farouk]

ميرسي على مرورك الغالى رينا