انا قلبى معاك هيخف

[walaa farouk]

الليل يجى والدنيا تسكت الفكر يروح ويُشرد
افكار تتعبنى واقوال تألمنى وحكاوى ع البال تقوم وتتعب
وابقى فريسه لاعمال خبيثه يقودها ابليس باسنان بتحما
اسهر انا واعد النجوم فى هجر كان ويبتدى اللوم
والقلب يبات موجوع فى انين وعويل ودموع
- وفجأه
فجأه افتكر انى مش مجروح لكن للاسف جرحت ياما قلب حنون
ياما نادى وكتير دعانى للفرح فى حضن يدوب فيه الكون
وانا بجهلى وزناخه فكرى اعند واقول محتاج حنان يكون ملموس
بدور بعيد عنك وبقول بدور على حد يكون منك وزيك حنون
واتارى انت فريد مينفعش تتكرر ويكون لك شبيه
صحيح انت بتدى شبهك بس لما بتيجى ارادتك وشبهك بيكون من صورتك اللى رسمتها فيه
- انا كنت جاى اقول
عرفت ان حبك بس اللى راح يدوم وانت اد كلمتك ولما بغلط بتستحمل منى اللوم
قولت انك بابا ومطلعتش كداب قولت انى حبيبتك ومابنتش ليا سراب
قولت انك عاوزنى ليك ومقفلتش فى وشى الباب قولت هتحملك فى عنادك وضحيت بنفسك عشانه .
- عاوزه اتأسفلك وعارفه انك مش هتقبل تصغرنى فى عنيا
لانك دايما شايفنى عروستك الغاليه
انا جايه ادوب فيك واتحلى بيك واسرح فى جمال حبك
جايه اقولك ضيعت كتير واكتشفت ان حبك اللى باقيلى
جايه اقولك انت ابويا واخويا وحبيبى وصديقى الحقيقى
لسه جوايا كتير عاوز يتقالك وواثقه انك سامعه قبل مايتقالك
امسك قلبى بين كفوفك يهرب خوفى ويتأكدلى شوقك
اهيم فى حبك واتشعلق فى حنيه قلبك وارقص معاك على خيبات قلبى

[Mary Naeem]

موضوع مميز

شكرا يا قمر

[walaa farouk]

ميرسي على مرورك الغالى مارى
وشكرا لتمييز الموضوع

[nasser]

عرفت ان حبك بس اللى راح يدوم وانت اد كلمتك ولما بغلط بتستحمل منى اللوم
روعة يا ولاء
ربنا يفرح قلبك

[walaa farouk]

مرورك هو الاروع ناصر ميرسي كتير ليك