6 شباب اغتصبوا طفلة كنا عايزين ننبسط

[Mary Naeem]

6 شباب اغتصبوا طفلة كنا عايزين ننبسط




«كانت ساعة شيطان، وإحنا لما شفناها ماعرفناش إيه اللى حصل لنا، وبسرعة استنينا لما الشارع فضى وشديناها جوه التوك توك وأخدناها البيت، وبعدين كنا عاملين زى الحيوان لما يلاقى فريسته»، بتلك الكلمات اعترف أحد المتهمين الستة بمشاركته فى عملية اختطاف واغتصاب فتاة عمرها 15 سنة بالإسكندرية.

«حمدان. ح» ذو الـ23 عاماً، قال فى التحقيقات «خطفناها بالعافية وخوِّفناها عشان ماتتكلمش وكتمنا صوتها عشان ماتفتحش بقها وتفضحنا، وبعدين رميناها، وماكانش فى نيتنا إننا نضربها أو نعمل أى حاجة غير إننا نتبسط».
«أحمد. م» السابق اتهامه فى قضية التعرض لأنثى، المتهم الثانى فى القضية، قال فى التحقيقات «أخدناها بالعافية فى التوك توك، وبعد كده طلعنا على حوض 13، وهى كانت فى حالة هلع وخوف، وإحنا الستة كتفناها وبعد كده ابتدى كل واحد ياخد دوره والباقيين مكتفينها لحد ما خلصنا، وسبناها فى الشارع».
وأضاف «لما كنا بنفكر فى كده إحنا الستة ماكناش عارفين إيه اللى ممكن يحصل، كنا بنلعب عايزين نتبسط وخلاص، ولقينا بنت قدامنا وإحنا محرومين، العقل ماكانش شغال، لكن لما اتقبض علينا ابتديت أحس أن الهزار قلب بجد، وأننا عملنا جريمة فعلاً، وإحنا ضيَّعنا نفسنا عشان ساعة شيطان ورغبة حيوانية».
وكشف العميد شريف عبدالحميد، مدير مباحث الإسكندرية، تفاصيل سقوط المتهمين قائلاً: فى البداية تلقى قسم شرطة ثان المنتزه بلاغاً من المدعو «محمد. خ. ال» 50 سنة، سائق، مقيم بمنطقة المندرة يفيد بأنه أثناء قيام كريمته «هـ.» 15 سنة، طالبة، بشراء بعض الاحتياجات بالقرب من منطقة سكنها، قام 6 أشخاص باختطافها واصطحابها عنوة داخل مركبة توك توك والتعدى عليها جنسياً داخل مسكن أحدهم بمنطقة حوض 13 بعزبة النجع بدائرة القسم.
وبعرض البلاغ على اللواء نادر جنيدى، مدير أمن الإسكندرية، أمر بتشكيل فريق بحث لإجراء التحريات اللازمة وتحديد مرتكبى الواقعة وسرعة ضبطهم، تحت إشراف العميد شريف عبدالحميد مدير مباحث الإسكندرية.
وقال مدير مباحث الإسكندرية: وضعنا خطة لضبط المتهمين وتحديد هوياتهم وتوصلت التحريات إلى تحديد مرتكبى الواقعة وهم «حمدان. ح» 23 سنة، عاطل محكوم عليه فى قضية (قتل خطأ)، بقسم شرطة باب شرقى غيابياً بالحبس لمدة سنة، و«أحمد. م. ع» 21 سنة، عاطل، محكوم عليه فى قضية «تعرض لأنثى» بقسم شرطة ثان المنتزه غيابياً بالحبس لمدة 3 شهور، و«الخطيب. ع» 33 سنة، عاطل، السابق اتهامه فى قضية «مخدرات» بقسم ثان المنتزه، و«إسماعيل. م» 17 سنة، سائق توك توك، و«محمد. غ» 21 سنة، عاطل، و«السيد. م» 20 سنة، عاطل، جميعهم مقيمون دائرة القسم.
وأوضح مدير المباحث أنه تم ضبط المتهمين فى عدد من الأكمنة التى أعدت لهم، وبمواجهتهم بما أسفرت عنه التحريات والضبط اعترفوا جميعاً بارتكاب واقعة اغتصاب الفتاة بمنزل الرابع عقب اصطحابها عنوة داخل توك توك.
وأقر المتهم الثالث بمشاركته فى الجريمة، وقال فى التحقيقات «إحنا غلطنا غلطة كبيرة أوى، وكنا مش فايقين ومش حاسين بنعمل إيه، وعددنا الكبير هو اللى جرَّأنا أننا نعمل كده وناخدها فى التوك توك بالعافية لما الشارع كان فاضى، ونطلع بيها على حوض 13».
وأضاف «قبل ما نعمل كده كنا حاسين بمتعة غريبة ومبسوطين، بس بعد ما خلصنا ماحسناش غير بالعذاب والندم، مفيش أى متعة أو شهوة تستاهل اللى حصل لينا دلوقتى بس إحنا كنا فى الوقت ده مجرد كائنات بتفكر من غير عقل والشهوة بتحركها وخلاص».
أما المتهم الرابع «إسماعيل» سائق التوك توك قال «أنا كنت بسوق التوك توك، اللى لما كنت بشتغل عليه كنت شغال عشان أكل العيش مش عشان أخطف فيه البنات، بس مش عارف إيه اللى وصلنى لكده، كل اللى بتمناه دلوقتى أن أهلى يسامحونى، لأنى خيّبت أملهم ويا رب البنت وأهلها يسامحونا».

هذا الخبر منقول من : الوطن