معجزات جديده للقديسة مارينا

[بنت معلم الاجيال]

معجزات جديده للقديسة مارينا



سلام ونعمه كل اخواتي في المنتدي
النهارده جايه وجايبالكم معايا كام معجزه كده للقديسة مارينا
المعجزات دي سمعناها من مارينا احد خادمات في كنيسه القديسة مارينا حارة الروم يوم الحد 1/8/2010
المعجزة الاولى
فى مره جت واحده ست كبيرة في السن وكانت شايله بنت صغيره جدا ومن كتر زحمه الكنيسه كانت كل شويه تبدل مع حد مكانها في الدكه وتطلع لقدام دكه علشان توصل للهيكل اول لما وصلت للهيكل كلمت ابونا وقالتله انها عاوزه تعمد البنت الصغيره اللي معاها فابونا راح قالها روحي يا ستي هاتي امها هي تعمدها فراحت الست قالتله ان هي ام البنت وان البنت دي اسمها مارينا وانها جابتها بعد 36 سنه مكانتش بتخلف فيها وكانت كل سنه تطلب من القديسة مارينا في عيدها انها تديها طفل لدرجة انها بقت بتطلب وكأن كما لقوم عاده علشان كده لما جابت مارينا جوزها قالها ان حتي ولو احنا نسينا فربنا دايما امين مبينساش

[بنت معلم الاجيال]

المعجزة التانية
راجل كان جاي وجايب صورة ل4 اطفال وكاتب المعجزة فسالته احد الخادمات وليه ناسخ صورة الطفل 4 نسخ قالها لا اصل دول اربع اطفال 3 بنات وولد وحكي انه السنه اللي فاتت في عيد القديسة مارينا جه هو وزوجته لابونا وكان ليهم سنين مبينجبوش وابونا صلالهم وقال لهم القديسة مارينا هتتيجو 5 وانه جاي يشكر القديسة مارينا علي عظيم فضلها

[بنت معلم الاجيال]

المعجزة الثالثة
دخلت واحده ست ومعاها غويشة دهب وكانت مصممة انها تلبسها لكف القديسة مارينا ولما رفض ابونا وقالها يا ستي عاوزه تديها نذر للقديسة مارينا هاتيها مش عاوزه خلاص بس مش هينفع نلبسها للكف فراحت اديتهاله وقالت انهي جايباها نذر علشان القدية مارينا اديتلها مارينا بعد فتره بدون انجاب

[بنت معلم الاجيال]

المعجزة الرابعة
ودي تمت يوم الاحد 1/8/2010 بليل الساعه 10
واحده ست جت الكنيسة مع بنتها المريضة بمرض وحش وهو ان عمليه الاخراج عندها مش منضبطة بسبب انسداد فتحة الاخراج وكان من المفروض اجراء عمليه لعمل فتحه للاخراج والبنت شافت القديسة مارينا في حلم وقالتلها انها مش هتخف الا لو راحت كنيسه العذرا المغيثة بحارة الروم وفعلا بمجرد ما البنت دخلت الكنيسه واخدت بركة كف الشهيدة مارينا خفت وبأذن ربنا هجيبلكم كلام شهود العيان من الكنيسه عن المعجزة دي
كمان ام البنت دي حامل والقديسة مارينا قالتلها انها هتجيب بنت وتسميها مارينا وفعلا ام البنت لما راحت وعملت سونار لاقيت انها حامل في بنت

[بنت معلم الاجيال]

المعجزة الخامسة
ودي خاصة بمارينا الخادمة اللي كانت بتحكيلنا كل المعجزات الحلوة دي بتقول ان مامتها كانت والده ولدين وان صحيح كان نفسها في بنت جدا الا انها حست انها ارادة الله ورضيت بيها وبعد 6 سنين حبلت مره ثالثه فكانت منهارة جدا لانها حست انها ممكن تجيب ولد ثالث فراحت لابونا وطلبت منه حل انها تنزل الجنين وابونا رفض بشدة وقالها انها هتجيب بنت فسكتت الام وأثناء الحمل في الشهر الخامس عملت سونار علي الجنين واذ بالدكتور يقولها انتي حامل في ولد فانهارت جدا وراحت لابونا وقالتله انها حامل في ولد وانها مش مسامحاه علشان هو اللي خلاها متنزلوش فراح ابونا قالها مارينا هتيجي مارينا وراح مشاور علي الكنيسه وبطنها وهو بيقولها كده وبالفعل جت مارينا الخادمه الجميله اللي حكتلنا كل الحكايات الجميله دي عن القديسة الشهيدة مارينا

بركة شفاعه اميرة الشهيدات تكون معانا كلنا

[شيرى2]

شكرا على المشاركة الجميلة

[بنت معلم الاجيال]