لماذا نصوم ما هو اسبوع الاستعداد او احد الكنوز

[merona]

لماذا نصوم ما هو اسبوع الاستعداد او احد الكنوز

************************



الصـــــوم

الصوم ده اسمه صوم الأربعين : فيه أسبوع استعداد فى الأول وأسبوع الآلام فى آخره وأربعين يوم فى الوسط

لما الكنيسة بتحط صوم بيبقى له هدف.

لماذا نصوم؟

كل صوم هو اقتراب لله ـ الصوم عبارة عن : أنا مش واكل، وقاعد لك ، هو ده الصوم.

مين اللى عمل كدة ؟ أولهم السيد المسيح. السيد المسيح صام 40 يوم فى بداية خدمته ، إيليا صام 40 يوم .

واضح إن رقم 40 رقم التكريس لله ، اللى يترشم قسيس بيقعد 40 يوم فى الدير ، الشعب قعد 40 سنة فى البرية.

لكن الواضح إن ربنا عايزنا نركز عليه هو ، لكن اللى بيحصل إننا بنصوم ونفكر فى نفسنا.

الوقت ده وقت مميز بعمل الرحمة. كل ما هو حياة روحانية تُمارس أكثر.

عندنا صيامات كتيرة فى الكنيسة : كلهم مش زى بعض

الصوم ده إسمه : صوم التقابل مع المسيح وتغيير الحياة

الصوم ده الكنيسة قسمته لمجموعة أسابيع ـ كل أسبوع يبتدى عنوان فى الأحد ـ عندنا 7 أسابيع .

أحد الرفاع ده بره الصيام ← واللى احنا أحياناً بنعمله فى أحد الرفاع ده معناه إنى مش مركز ولا فاهم أى حاجة فى الصوم.

1) أسبوع الإستعداد:

الأسبوع التالى للرفاع ، يُعتبر الأحد الأول فى الصوم، بنتكلم فيه عن الكنوز.

أحد الكنوز: (مت 6: 16- 21) " ومتى صمتم فلا تكونوا عابسين كالمرائين فإنهم يُغيرون وجوههم لكى يظهروا للناس صائمين. الحق أقول لكم: إنهم قد استوفوا أجرهم. وأما أنت فمتى صُمت فادهن رأسك واغسل وجهك، لكى لا تظهر للناس صائماً بل لأبيك الذى فى الخفاء. فأبوك الذى يرى فى الخفاء يُجازيك علانية . لا تكنزوا لكم كنوزاً على الأرض حيث يُفسد السوس والصدأ، وحيث ينقب السارقون ويسرقون. بل اكنزوا لكم كنوزاً فى السماء، حيث لا يفسد سوس ولا صدأ، وحيث لا ينقب سارقون ولا يسرقون. لأنه حيث يكون كنزك هناك يكون قلبك أيضاً ".

الصوم هو إنى أنقطع عن الطعام لأجل حضور الله ـ يعنى لو كان صيامى تغيير أكل وبس ، يبقى ما استفدتش حاجة.

موسم الصوم هو موسم قعدة كتير قدام ربنا، مش لازم وقت الإنقطاع فقط لكن طول فترة الصوم.

موضوع الصوم الكبير هو المقابلة مع المسيح وتغيير الحياة.

لازم أنقطع عن الأكل لأى فترة ممكنة

الآية المحورية : " حيث يكون كنزك هناك يكون قلبك أيضاً " (مت 6: 21)

يعنى إيه كنزك؟ يعنى اهتمامى ، حاجة غالية أوى عندك، يعنى لو أغلى حاجة فى حياتى فلان أو فلانة ، قلبى هيكون معاه . لو أغلى حاجة فى حياتى النجاح ، هيكون ده كل اهتمامى.

الحبل الذى يربط بين كنزك وقلبك ، فيه حبل بيربط بين قلب كل واحد وبين كنزه.

يعنى لو قلبى مشغول بحد مش مؤمن .

يا ريت كل واحد يفكر إيه أهم حاجة عنده . المطلوب إنى أعمل اللى بيتقال.

اسأل نفسك يا ترى إيه أهم حد عندك ، لأنه حيث يكون كنزك هناك يكون قلبك أيضاً.

فيه ترنيمة بتقول : بالإيمان ، مدينتى فوق ، كنزى فوق

(مت 13: 44 ) "أيضاً يُشبه ملكوت السموات كنزاً مُخفى فى حقل ، وجده إنسان فأخفاه. ومن فرحه مضى وباع كل ما كان له واشترى ذلك الحقل ".

ملكوت السموات ده كنز ، فلما واحد لقاه ، باع كل ما عنده واشتراه.

الحقل ده هو الكنيسة ، هو الخدمة ، هو علاقتى مع الله ، فلما أكتشف الكنز اللى فى العلاقة مع الله هأفرح . أفرح وأبيع كل شئ وأقتنى الكنز ده، وده اللى بيحصل معانا فى مؤتمر ← باسيب كل حاجة . ولما أكتشف الكنز ده ، إيه الطاقة اللى حركته؟ ومن فرحه مضى وباع كل ما كان له واشترى ذلك الحقل.

لو واحد تانى ما اكتشفش الكنز ← هيقول كده صعب إنى أسيب العلاقة دى .

اكتشاف العلاقة مع الله مُفرح ، ده شئ مُبهج ، أنا عندى إستعداد أسيب كل شئ.

لما أكتشف الكنز المخفى فى الحقل. يبيع كل المشغوليات ويشترى الإنشغال بالله.

واللى لسه ما داقش ده يدوقه ـ شراء السماء مش بأعمال معينة يعملها.

يبيع : يعنى ما يفرقش معاه ، يعنى يستغنى عن الحاجة اللى مش عايزها . تبيع العالم : يعنى ما تخليش فى العالم حاجة عزيزة عليك .

الطاقة اللى بتحرك الشخص للبيع هى الفرح الناتج عن إنى لقيت لقية ، المسيح بيقول : واحد لقى كنز فى حقله ، وجده إنسان فأخفاه. ومن فرحه مضى وباع ما كان له واشتراه . إحساس إنى اتقابلت مع الله .

عارفين فيلبس راح لنثنائيل وده كان صديقه وقال له : وجدنا المسيا

وقال له: هو فيه حاجة كويسة تطلع من الناصرة

قال له: إنت لما هتيجى هتنبسط ، ولما المسيح شافه قال له : هذا إسرائيلى لا غش فيه.

قال له : يا معلم

رد عليه المسيح: لأنى قلت لك إنى رأيتك تحت التينة آمنت ، سوف ترى أعظم من هذا.

الكنز اللى إنت لقيته فى الحقل خبيه ، العرض فرصة ، وإنت ماشى فى الغيط تلاقى كنز.

الكنز مِلك للى يلاقيه : ملكوت السموات كنز وبتعثر عليه فجأة.

يعنى ممكن فى مؤتمر من المؤتمرات حسيت بشئ فجأة أو رسالة خبطت فى قلبك ، بس السؤال عملت إيه لما فرحت؟ لما ربنا يكلمك ما تبقاش ساذج ، بيع العالم واشترى الكنز ـ ما تبيعش الكنز اللى ربنا بيقدمه لك .

النهاردة ربنا مجمعنا وعمال يدينا رسائل نستغلها ونفرح بيها.

(مز 27: 8) "لك قال قلبى: قلت: اطلبوا وجهى ، وجهك يا رب أطلب" .. ده حد كنزه وجه الله.

أهل الدنيا نصيبهم فى حياتهم (فى الأرض) بذخائرك تملأ بطونهم. .

أما أنا فبالبرأنظر وجهك، أشبع إذا استيقظت بشبهك .

فقال وجهى يسيرُ فأريحُك . إن لم يسر وجهك أمامنا فلا تصعدنا من ههنا.

فى كل قداس أبونا يسألنا : أين هى قلوبكم .

نرد ونقول: هى عند الرب . ياترى بنقول الحقيقة واللا بنكذب ؟؟

فكر كده وقول له يا ترى أنا كنزى فوق وإلا كنزى تحت فى الموضوع الفلانى. هل أنا هدفى إنى أقابل ربنا؟

[Mary Naeem]

شكرا يا قمر
الصـــــوم أحد الكنوز