|
 |
 |
 |
|
رقم المشاركة : ( 1 )
07 - 03 - 2016, 04:19 PM
|
|||||||||||
|
|||||||||||
|
روشتة للشباب ازاى تخلي البنات تحبك  كتبت الكاتبة "اميرة خالد " عدة نصائح للشاب كى يجعل الفتاة تحبه منها "الإهتمام" و"المشاركة " السند " وكذلك"المفاجآت" ،عدم الاحساس بالخوف .فتقول :" عزيزي الولد..تحية طيبة وبعد،، إذا كنت مرتبط، بتفتكر ترتبط، خاطب، أو حتى متجوز.. أيا كان أنت محتاج تسمع الكلام اللي جاي ده تطبقه على قد ما تقدر لأنه هيوفر عليك كتير في علاقتك مع الإنسانة اللي انت مرتبط بيها. بص يا سيدي أولا..البنات بتحب المفاجآت جدا، يعني مثلا هتبقى في قمة سعادتها لما تقولها إنك مثلا قدام بيتها أو الكلية وجيت علشان تشوفها وبس من غير اتفاق منكم. أو مثلا إنك جبتلها كتاب لكاتب هي بتحبه.. إلخ ثانيا.. البنات بتحب «الكلام الحلو» وحط تحت دي ألف خط.. هي هتحب تسمع (وحشتيني، نفسي أشوفك، خسيتي وشكلك حلو، وتسلم إيديك.. إلخ). ثالثا.. البنات بتحب الاهتمام بمعنى، إنها بتحب تحس إنك مهتم بتفاصيل يومها وحكايتها اللي «ملهاش لزمة أغلب الأحيان». بتحب تشاركها نجاحها، وبتحب كمان وجودها جنبك فحاول تهتم. رابعا.. البنات بتحب تتسند على حد مش لإنها كائن ناقص، بالعكس حتى لو كانت أقوى ما يمكن، بيجيلها وقت بتحب تحس إنها ضعيفة ومحتاجاك تكون ليها سند وضهر. خامسا.. البنات بتحب المشاركة.. يعني بتبقى نفسها إنك تشاركها في حبها مثلا القراءة.. الموسيقى.. سينما.. الطبخ.. شاركها في اللي بتحبه هتحبك بزيادة. سادسا.. مش شرط تكون رومانسي لدرجة اوفر علشان البنت تحبك، يعني مش لازم تعرف تقول أن «في عينها شفت الدنيا بأحلى ما فيها» و «ضحكتك شبه البحر»، بس على الأقل ممكن تجرب تعمل مجهود ولو قليل علشان توصلها أنت قد ايه بتحبها. وعلى فكرة هي هتقدر المجهود ده وهتحبك أكتر من إنك تقولها إن عينها لون الشمس مثلا. سابعا.. لو انت الشخص المشغول على طول ومش لاقي وقت ترد عليها في التليفون عندك حل من أربعة: إنك ترد عليها وتقولها إنك مشغول وتسألها هي حاجة مهمة ولا لأ.. أفرض يا أخي البيت بيولع مثلا لا قدر الله!.. رد عليها لو أنت مشغول وقولها هكلمك لما أخلص. كنسل وابعتلها رسالة (اسف مش هعرف ارد وعندي اجتماع مثلا). ممكن تتفق معاها إن الأوقات دي مش هتعرف ترد عليها فيها مثلا يعني (تعرفها مواعيد نومك وشغلك وهكذا) . لو نايم أو مخدتش بالك من التليفون مثلا حاول تخليك «gentle» وتكلمها بعدها أول ما تشوف الفون. ثامنا.. أوعى تخليها تحس بالخوف وهي جنبك، لان الخوف بيستنزف الطاقة في أي علاقة. فمتخليهاش تحس أنها خايفة تكلمك مثلا عشان متعطلكش أو خايفة تعمل حاجة غلط لأن ده ممكن يخليها تقرر فجأة تبعد عنها علشان انت اناني وحاطيتها دايما تحت فترة ترقب واختبار فلو غلطت هتمسكلها السكينة ! العلاقة متنفعش تكون كدة. نصيحة أخيرة للطرفين بلاش تبصوا على أي علاقة بين اتنين على انها مثالية، وتبقوا عايزين تكونوا زيهم. العلاقة المثالية هي العلاقة اللي تحددوها انتوا الاتنين بطريقتكم أنتم .. متبصوش علي حد. حاولوا تكونوا انتم نموذج الناس تتمني تبقي زيه. 
|
|
07 - 03 - 2016, 11:46 PM
|
رقم المشاركة : ( 2 ) | ||||
|
..::| الاشراف العام |::..
|
رد: روشتة للشباب ازاى تخلي البنات تحبك
بلاش تبصوا على أي علاقة بين اتنين على انها مثالية، وتبقوا عايزين تكونوا زيهم. العلاقة المثالية هي العلاقة اللي تحددوها انتوا الاتنين بطريقتكم أنتم .. متبصوش علي حد. حاولوا تكونوا انتم نموذج الناس تتمني تبقي زيه.
|
||||
|
|
|
08 - 03 - 2016, 02:20 PM
|
رقم المشاركة : ( 3 ) | ||||
|
† Admin Woman †
|
رد: روشتة للشباب ازاى تخلي البنات تحبك
شكرا على المرور
|
||||
|
|
|
02 - 06 - 2016, 07:01 AM
|
رقم المشاركة : ( 4 ) | ||||
|
..::| الاشراف العام |::..
|
رد: روشتة للشباب ازاى تخلي البنات تحبك
روووووووووووووووووووووووعه يا مرموره
ربنا يفرح قلبك |
||||
|
|
|
02 - 06 - 2016, 07:04 AM
|
رقم المشاركة : ( 5 ) | ||||
|
..::| الإدارة العامة |::..
|
رد: روشتة للشباب ازاى تخلي البنات تحبك
ميرسي على مشاركتك الجميلة مارى
|
||||
|
|
|
02 - 06 - 2016, 09:19 AM
|
رقم المشاركة : ( 6 ) | ||||
|
† Admin Woman †
|
رد: روشتة للشباب ازاى تخلي البنات تحبك
شكرا على المرور
|
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| انت ازاي حلو كده وانا ازاي بحبك كده |
| البنات بتفكر ازاي ؟!؟! |
| ازاى تخلى حماتك تحبك؟؟؟؟؟؟؟؟؟؟؟؟؟؟؟ |
| ازاي تخلي البنات تقولك يا عمري |
| فيديو ازاي تبقى متدين !! مدخل مناقشة للشباب |
العرض العادي
