15 رسالة جديدة من السيسي للمصريين
حمل خطاب الرئيس عبدالفتاح السيسي اليوم، الأربعاء، أمام المؤتمر المنعقد بمناسبة إطلاق مبادرة "رؤية مصر 2030" الكثير من الرسائل القوية.. رصد "دوت مصر" أبرز هذه الرسائل.
1- اسألوا عليّ الجيش
قال الرئيس، خلال مؤتمر "رؤية مصر 2030"، "اسألوا عليا في الجيش أن معنديش حاجة في مراحل، كل مشروع يتعمل في مرحلة واحدة، تكلمني في سنة أو سنة ونصف، ممكن أجي معاك في سنتين".
2- أنا عايز أنظم الدنيا
وطالب بتنظيم العلاقة بين الشباب والبنوك، مضيفا "عشان مضيعش ابني.. أنا عايز أنظم الدنيا".
3- اسمعوا كلامي أنا بس
وأعلن السيسي، سعيه لإقامة أكبر مجمع ورش فنية في العاصمة الإدارية الجديدة، موجه رسالة للمصريين " لو بتحبوا مصر.. اسمعوا كلامي أنا بس".
4- أنتوا فاكرين اني هاسبها .. لا والله
وتابع الرئيس: "إنتم فاكرين إنى أنا هسيبها ولا حاجة..لأ مش هاسيها.. أنا هفضل أبني وأعمل في مصر لغاية ما تنتهي حياتي".
5- مش عايز أظلم ابني
وأكد الرئيس السيسي خلال كلمته أنه لا يريد أن يظلم أبنائه ويريد لهم الخير في المستقبل مرددا " أنا مش عايز أظلم ابني.
6- لو عملتوا دمياط الصناعية من سنة كنا سلمناها دلوقتي
وتحدث السيسي منفعلاً: "لو كنا أنشئنا مدينة دمياط الصناعية من سنة ونصف فاتت بعد أوامري بإنشائها، كنا الآن قد سلمنا 1000 ورشة عمل لشباب دمياط".
7- ألوم نفسي على مشروع مدينة دمياط
واستطرد السيسي: "أنا لا ألوم الحكومة على تأخر مشروع مدينة دمياط الصناعية وإنما ألوم نفسي".
8- ابني بيتك مشروع عشوائي
وأوضح السيسي: "مشروع ابني بيتك عشوائي ولا يوجد به تنظيم للصرف أو المياه، ونحن لا نعمل مثل هذه المشاريع".
9- أنتوا فاكرين نفسكوا ضعاف
وأكد السيسي أنه قادر على عمل 100 مدينة صناعية متكاملة في غضون سنة ونصف قائلا: "أنتوا فاكرين نفسكوا ضعاف؟".
10- أنا لا بكدب ولا بلف وأدور
السيسي: "أنا راجل لا بكدب ولا بلف وأدور ولا ليا أي مصلحة غير بلدي وبس".
11- أبقى تعالا وأنا أقولك
السيسي: "من يتحدث في موضوع يجب أن يكون درسه جيد جداً ومن يريد أن يتحدث في أي موضوع تعالا وأنا أقولك".
12- "بيعيرونا بفقرنا .. بس أنا مش هسكت"
السيسي: "بيعيرونا بفقرنا .. بس أنا مش هسكت، ولما حد بيوجعني مابردش عليه".
13- "لو ينفع أتباع هتباع"
السيسي: "هقول تعبير صعب جداً .. والله العظيم أنا لو هينفع أتباع هتباع".
14- السجادة الحمرا
السيسي: "قمنا بإنشاء المشروع السكني بمدينة 6 أكتوبر والذي شاهدتم إفتتاحه .. اللى كان فيه السجادة الحمرا".
15- "صبح على مصر بجنيه"
السيسي: "لو 10 مليون مواطن كل يوم صبح على مصر بجنيه من هاتفه، سنجمع في العام 4 مليار جنيه".
هذا الخبر منقول من : دوت مصر
