ازاي تفرح يوم عيد الميلاد فى عشر خطوات

[Ramez5]

1 - قوم م النوم بدري .. وابتدي يومك بالصلاه .. اشكر ربنا انه اتولد علشانك .. وقوله كل سنه وانت معايا
..
2 - اوعي تكشر ف يوم زي ده .. اضحك ف وش كل اللي تقابله .. فرحتك بميلاد السيد المسيح لازم تكون اكبر واهم من أي حزن ف حياتك
..
3 - كلم صحابك وقرايبك اللي بقالك مده متعرفش حاجه عنهم .. ممكن تكون انت الوحيد اللي افتكرتهم ف العيد بمكالمه
..
4 - عدي ع الكنيسه انشالله 5 دقايق .. روح سلم علي طفل المزود.. لو واحد صاحبك عزمك علي عيد ميلاده اكيد هتروحله .. وهو اقرب صاحب ليك
..
5 - اللي بيحب حد بيحب يسمع صوته .. اوعي العيد يخلص من غير ما تقعد مع صاحب العيد لوحدكم .. افتح الانجيل وهو هيكلمك
..
6 - علي أد ما تقدر فرح الناس اللي حواليك .. اهلك .. اخواتك .. صحابك .. انسي الزعل ف اليوم ده
..
7 - رتب يومك بنظام .. ومتزعلش لو قضيت العيد ف البيت وانت بتذاكر .. او تعبان ربنا عايزك تكون ناجح ف كل حياتك .. ومرتاح
..
8 - الأكل سر من اسرار السعاده .. كل اللي نفسك فيه بس متكترش .. عشان معدتك متدعيش عليك
..
9 - المسيح طالب منك طلب ف يوم عيده .. بيقولك '' يا ابني اعطني قلبك '' .. متبخلش عليه باللي عايزه منك
..
10 - هات هديه.. بأي مبلغ معاك مهما كان صغير .. واديه لطفل محتاج يفرح يوم العيد .. حتي لو اديتله بلونه او شكولاته .. واتأكد ان المسيح هو اللي اخدها منك .. هو اللي قال بالحرف : ما فعلتموه بأحد اخوتي هؤلاء الأصاغر .. فبي قد فعلتم
كل يوم وربنا يسوع مولود في قلبك

[Mary Naeem]

موضوع مميز
ربنا يفرح قلبك

[walaa farouk]

الله حلووووة اووووى
ربنا يفرح قلبك