+++كاتب شعر لشهداء المسيحيه+++
ارفع راسك ياقبطي بفخر ارفعها لانك ابن المسيح+++
شايل صليبك وفرحان وبتقابل الذبح بفرح وباحساس+++
الملايكه بتهلل للشهيد وتدخل الفردوس و معاك تصريح+++
وهناك اسست بيتك علي الصخر وبنيته في اجمل اساس+++
اوعي تنسي انك هتموت للذي فتح الاعمي وشفا الكسيح+++
ونتشفع بيك ونطلب صلاتك في البيت وكمان وفي القداس+++
وهناك مكانك مع العدرا والقديسين تفرح وتهلل بالتسبيح+++
وماشي في طريقك شايل صليبك رافض بعزم مجد الناس+++
افتكر مسيحك علي الصليب ودقوه بمسامير وجنبه الجريح+++
شفت الذل وشربت المر وانت برضه شربت الكاس+++
اهانوك لاسمك ضربوك في جسمك ليا الحياه ليا المسيح+++
بقا ليك سلطان وكل الحيات والعقارب عندك تحت المداس+++
اكتب يازمن وسجل يا تاريخ يوم ماقال الموت ربحا يريح+++
افرح ياشهيد غلبت ابليس والاقباط بسببك رفعوا الراس+++
سبت عالم البكاء بقيت في سلام وفي حضنه المريح+++
المسيح بيقولك لو مسوا عيونك يمسوا عيوني ياناس+++
افرحي ياكنيسه واهتفي لشهيدك واكتبيله احلا مديح++
الكل بيتشفعلك من البابا والشعب والكاهن والشماس+++
متنساش تذكرنا بصلاتك وانت في حضن الاله الصحيح+++
بتقول يايسوع اقبلني فملكوتك وقلتها في اواخر الانفاس+++
سرقت الفردوس بكلمه والملايكه وخداك لعرس المسيح+++
افرح ياقبطي وارفع راسك وكمان دقي ياكنيسه الاجراس+++
+++بقلم/ باسم خلف +++
+++للشهداء الاقباط+++
