طالبات «إخوان» تهدد بـ«سنة حمرا»
الوطن
الهدوء الحذر الذى خيّم على الجامعات قررت حرائر الإخوان أن تمنحه بعضاً من الإثارة والتشويق وكسر حالة «خيبة» طلاب الإخوان فى أول أيام العام الدراسى الجديد. بأعلام حمراء وقفن أمام بوابات كلية طب القصر العينى وسط دخان كثيف، يتوعدن زميلاتهن بـ«سنة حمراء».
الكلمات التى استوقفت مروة محمود، الطالبة بكلية طب قصر العينى، جعلتها تقرر الوقوف إلى جوار طالبات الإخوان حتى ترى أفعالهن كاملة.. «جمعوا نفسهم الصبح بدرى ولقيناهم عمالين يجهزوا أعلام لونها أحمر، افتكرت أنا وأصحابى إنها فعالية جديدة للجامعة عشان عارفين إن علمهم أصفر، لحد ما لقيناهم طلعوا بره الجامعة وضربوا شماريخ ورفعوا الأعلام»، حاولت الشابة العشرينية الابتعاد عن مكان الحدث، خوفاً من أحداث الشغب التى تفتعلها طالبات الجماعة: «كنا ممكن نتاخد فى الرجلين، لأن فيه شباب دخلوا معاهم وبقوا يولعوا شماريخ أكتر ويحدفوها على العربيات».
قررت «مروة» تسجيل المشهد بالصوت والصورة، لكن الدخان الكثيف لم يساعدها على التقاط صور واضحة لملامح طالبات الجماعة: «كانوا حاطين على وشهم قماش، عشان محدش يعرفهم، وكل ما كانوا يشوفوا حد من البنات بيحاول يصورهم بيضربوها»، مضيفة: «فى الأول استغربنا الأعلام الحمراء اللى كـــانوا شايلينها، ولما حاولنا نسأل واحــــدة فيهم افتكرتنا تبعهم وادّونا علـــم وفهّمونا إنها فعالية للسنة دى عشــان تبقى سنة حمرا على كل اللى فى الجامعة ويلغوا الدراسة لحد ما أصحابهم المعتقلين يرجعوا، ولما سألنا على الأعلام الصفراء قالولنا إنها كانت رمز للعطاء واحنا اللى ماقدّرناش».
24 - 10 - 2014, 11:41 AM
العرض العادي
