عارف يعتى اية بحبك

[فرونكا]

يعني أختار الناس اللي اسمهم زيك عشان بس أناديهم باسمك

... ... يعني مش ناسيه ولا كلمه انت قلتهالي وحافظة كل مواعيد مكالماتنا ومدتها كمان

يعني صوتك بيوحشني أول مااقفل معاك التليفون

يعني حاسه ان صوتك أحلى صوت سمعته مع ان في احلى منه

يعني بعشق ضحكتك

يعني لما بتنطق اسمي بيكون ليه طعم تاني



يعني شخصيتك اللي غيري بيشوفها صعبه اوي .. تكون دي اللي بتمناها طول عمري

يعني مش شايفه راجل غيرك


يعني أكون زعلانه منك وواحشني اووووي وقلقانه عليك مووت وادعي ربنا يطمني عليك .. والاقيك فجأه بتتصل

يعني بدعيلك ف كل صلاة

يعني نفسي أكون مراتك وأختك وبنتك وحبيبتك وصحبتك


يعني وأنا بكلمك مش ببقى عاوزاك تسكت عشان أشبع من صوتك

يعني تبقى واحشني اووووي وأول ماتكلمني ارد عليك بغلاسه

يعني ف " غيابك بتكون الدنيا ضلمة ولو حتى فيها مليون شمس "

يعني أعاندك عشان تعمل فيها حمش وتزعقلي وانا أعمل زعلانه وتصالحني

يعني لما نكون متخاصمين أقعد أحايل فيك وأداديك زي البيبي الصغير ولما تروق أقولك مش زعلان تقولي لا .. اقولك من قلبك ؟؟ تقولي " والله من قلبي ياوزة "

يعني معرفش أرد عليك مع اني اخر لماضه مع الناس كلها



يعنى لما تبقى مضايق يبقى نفسى تحكيلى كل اللى جواك ( علشان عمر ما حد حيبقى قلبه عليك زى ) اكتر ما بتحكيلى وانت مبسوط

-يعنى لما تقولى كلام يزعلنى و انا اتقمص بس علشان تقولى حقك عليا وتصالحنى

_يعنى لما ابقى تعبانه ومخنوقه و اسمع صوتك بس بحس بالامان

_يعنى ابقى خايفة عليك من غير سبب وقلقانة من غير لزوم وحموت واتطمن عليك كل ثانيه ومطمنش غير لما اشوفك وبرضه بفضل قلقانه

-يعنى تبقى جاى تعبان وقرفان واول ماشوفك اجرى عليك واشعبط زى العيال فيك

-يعنى كلمة منك تخلينى طايره و المس السماء و احساس انك زعلان بتقلب الدنيا ضلمه

-يعنى احتياج لصوتك لحنانك ولشوية دلع لما اقولك علشان خاطرى وتقولى الى انتى عايزة اية

-يعنى ابقى مالكة الدنيا لما بتهتم بيا وتحسسنى انى اهم واحدة فى دنيتك

- يعنى محبتش الدنيا ولا اتمنى اعيشها الا لما عرفتك ومكنتش عارفه انا قابلك عايشه ازاااى

يعني حاجات كتير أوووووي ..

بس كلها ف الآخر بتخليني " أحبك انت وبس "

[Hany Meshel]

مشاركة مميزة جدا
يا فرونكا

[فرونكا]

ميرسى هانى ربنا يباركك